श्रीलंका में आपातकाल:आर्थिक संकट के विरोध में भड़कल हिंसा

श्रीलंका में गहरात आर्थिक समस्या के लेके लोग सड़क पS उतर के विरोध-प्रदर्शन कर रहल बाने। ए बीच इहवाँ के राष्ट्रपति गोटबाया राजपक्षे शुक्रवार के आपातकाल के ऐलान कS देहले बाने। आदेश में कहल गइल बा कि देश की सुरक्षा अउर आवश्यक सेवा के आपूर्ति के रखरखाव खातिर ई फैसला लेहल गइल बा।

राष्ट्रपति के ए फैसला के बाद सेना संदिग्ध लोग के बिना कौनो मुकदमाँ के गिरफ्तार कर सकत बा अउर लंबा समय ले हिरासत में रख सकत बा। राजपक्षे के सरकार के समर्थन दे रहल 11 पार्टी कैबिनेट भंग कS अंतरिम सरकार के गठन के मांग कइल बा। एनकर कहनाम बा कि हालिया कैबिनेट बढ़त महंगाई पर लगाम लगवले में नाकाम साबित भइल बा।

भारत बढ़वलस मदद के हाथ
भारत श्रीलंका के 1 बिलियन डॉलर के क्रेडिट लाइन देहले बा। भारत के प्रधानमंत्री नरेंद्र मोदी एहपर हस्ताक्षर कइनें| एके तहत 40,000 टन डीजल ले जाए वाला एक जहाज श्रीलंका पहुंच गइल बा। ईंधन आज शाम पूरे देश में बांटल जाई।

हिंसा के आरोप में 45 गिरफ्तार
एसे पहले गुरुवार देर रात हजार लोग राष्‍ट्रपति राजपक्षे के निवास के बाहर विरोध-प्रदर्शन अउर पथराव कइने। जवाबी कार्रवाई करत पुलिस लाठीचार्ज कर देहलस। ए हिंसक टकराव में कम से कम 5 पुलिसकर्मिन समेत 10 लोग घायल भइल। हिंसा के आरोप में 45 लोग के गिरफ्तार कइल गइल बा।

2350320cookie-checkश्रीलंका में आपातकाल:आर्थिक संकट के विरोध में भड़कल हिंसाno