छपरा से चले वाली दुर्ग एक्सप्रेस सहित कइयन गो ट्रेन रद्द: कइयन के बदलल रूट, यात्रियन के होई परेसानी; देखी ट्रेनन के पूरा लिस्ट

By Khabar Bhojpuri Admin On Sep 29, 2023

छपरा से चले वाली कइयन ट्रेनन के कैंसिल कइल गइल बा। निर्धारित समय के बाद सब ट्रेन अपना नियत समय आ मार्ग से संचालित होखे लागी। पश्चिम मध्य रेलवे के न्यू कटनी जं. मेन लाइन पs प्री-नॉन इंटरलॉक आ नॉन इंटरलॉक कार्य, न्यू कटनी जं. यार्ड रिमॉडलिंग कार्य कइल गइला के कारण गाड़ियन के रद्द आ मार्ग परिवर्तन कइल गइल बा। एकर जानकारी जनसंपर्क पदाधिकारी अशोक कुमार देले बाड़ें।

कैंसिल कइल गइल ट्रेन

छपरा से 29 सितम्बर से तीन अक्टूबर के चले वाली 15159 छपरा-दुर्ग एक्सप्रेस रद्द रही।
दुर्ग से 30 सितम्बर से चार अक्टूबर के चले वाली 15160 दुर्ग-छपरा एक्सप्रेस रद्द रही।
दुर्ग से 27 आ 29 सितम्बर के चले वाली 18201 दुर्ग-नौतनवा द्विसाप्ताहिक एक्सप्रेस रद्द रही।
नौतनवा से 29 सितम्बर आ एक अक्टूबर, 2023 के चले वाली 18202 नौतनवा-दुर्ग द्विसाप्ताहिक एक्सप्रेस रद्द रही।
नौतनवा से 30 सितम्बर के चले वाली 18206 नौतनवा-दुर्ग साप्ताहिक एक्सप्रेस निरस्त रही।

एह ट्रेनन के मार्ग परिवर्तन

बरौनी से 29 सितम्बर से 03 अक्टूबर तक चले वाली 15231 बरौनी-गोंदिया एक्सप्रेस अपना निर्धारित मार्ग कटनी-रायपुर-दुर्ग-गोंदिया के स्थान पs परिवर्तित मार्ग कटनी-जबलपुर-कछपुरा-गोंदिया के रास्ते चलावल जाई।
गोंदिया से 29 सितंबर से तीन अक्टूबर तक चले वाली 15232 गोंदिया-बरौनी एक्सप्रेस अपना निर्धारित मार्ग गोंदिया-दुर्ग-रायपुर-कटनी के स्थान पs परिवर्तित मार्ग गोंदिया-कछपुरा-जबलपुर-कटनी के रास्ते चलावल जाई।