स्पोर्ट्स डेस्क। भारत आ इंग्लैंड के बीच खेलल जाये वाला तीसरका वनडे मुकाबला सीरीज के सबसे निर्णायक मैच होखे जा रहल बा। एह मैच से तय होई कि वनडे सीरीज पs केकर कब्जा होई। एही के संगे क्रिकेट प्रेमियन के नजर भारतीय कप्तान रोहित शर्मा पs टिकल बा, काहे कि उनकर भविष्य के लेके तरे-तरे के चरचा चल रहल बा। हालांकि, बीसीसीआई सचिव देवजीत सैकिया साफ कs देले बाड़ें कि रोहित शर्मा के संन्यास से जुड़ल खबर सही नइखे।
एह बीच फैंस के मन में इहाे सवाल बा कि ई मैच कहां देखल जा सकी आ मैच के समय बदलल बा कि ना। आईं पूरा जानकारी जान लिहल जावs।
भारत बनाम इंग्लैंड तीसरा वनडे कब खेलल जाई?
भारत आ इंग्लैंड के बीच तीसरका वनडे मैच अतवार, 19 जुलाई के खेलल जाई। ई मुकाबला सीरीज के विजेता तय करी, एह से दुनो टीम खातिर ई मैच बहुते महत्वपूर्ण बा।
कहां खेलल जाई तीसरा वनडे?
भारत आ इंग्लैंड के बीच ई मुकाबला लंदन के ऐतिहासिक लॉर्ड्स क्रिकेट ग्राउंड पs खेलल जाई। लॉर्ड्स के क्रिकेट के मक्का कहल जाला आ दुनियाभर के क्रिकेट प्रेमियन खातिर ई मैदान खास महत्व रखेला।
केतना बजे सुरू होई मैच?
जदि रउआ मैच देखे के तइयारी करत बानी तs समय नोट कs लीं।
टॉस: भारतीय समय अनुसार दुपहरिया 3:00 बजे
मैच सुरू: भारतीय समय अनुसार दुपहरिया 3:30 बजे
पहिले के मुकाबलन के तुलना में एह मैच के समय अलग बा, एहसे दर्शक समय के ध्यान जरूर रखे लोग।
टीवी पs कहां देखल जा सकी तीसरका वनडे?
एह मैच के जदि रउआ टीवी पs देखे के चाहत बानी तs ई मुकाबला Sony Sports Network पs लाइव प्रसारित होई।
मोबाइल पs फ्री में कहां देखल जा सकी?
मोबाइल यूजर लोग जियो हॉटस्टार पs भारत बनाम इंग्लैंड के तीसरका वनडे मुकाबला फ्री में लाइव स्ट्रीमिंग के माध्यम से देख सकेला।
सीरीज खातिर निर्णायक मुकाबला
भारत आ इंग्लैंड दुनो टीम एह मैच के जीते खातिर पूरा ताकत लगा दी। एक ओर सीरीज जीत दांव पs बा, तs दोसरा ओर रोहित शर्मा के लेके चल रहल चरचा के चलते एह मुकाबला पs सब केहू के नजर टिकल बा।
Read Also: Medical College Rule : अब कवनो प्राइवेट कंपनी खोल सकी मेडिकल कॉलेज, NMC बदललस नियम
