डेढ़ साल ले घर में अइसन सहेज कs के रखले रहलें बेटा के शव, एगो फोन कॉल से सामने आइल चौंकावे वाली कहानी

कानपुर में एगो परिवार डेढ़ साल आयकर अधिकारी के लाश के साथ गुजार दिहलें। माता-पिता लगातार शव के देखभाल करते रहलें। परिवार के अन्य सदस्य भी कुछ नाइ बोलले। पत्नी के ओर से आयकर विभाग के कइल गइल शिकायत पs शुक्क के जब स्वास्थ्य विभाग के टीम घर पहुंचल त मामिला के खुलासा भइल। ई सनसनीखेज वाकया रावतपुर थाना क्षेत्र के कृष्णापुरी रोशन नगर के ह। आर्डनेंस फैक्टरी से रिटायर्ड कर्मचारी राम औतार रोशन नगर में परिवार के साथ रहेंने। उनके तीन बेटा में सबसे छोट बेटा विमलेश (35) अहमदाबाद में आयकर विभाग में असिस्टेंट अकाउंटेंट ऑफिसर (एएओ) के पद पर रहलें। विमलेश के पत्नी मिताली किदवईनगर स्थित सहकारिता बैंक में कार्यरत बानें। पिता राम औतार पुलिस के बतवलें कि 18 अप्रैल 2021 के विमलेश के निमोनिया होखले पs बिरहाना रोड स्थित मोती हॉस्पिटल में भर्ती करावल रहे, जहां उपचार के दौरान 22 अप्रैल के उनकर मृत्यु हो गइल।