वेलिंग्टन में भारी बारिश के वजह से भारत अउर न्यूजीलैंड के बीच पहिले टी20 कs रद्द कs दिहल गइल बा। बारिश के वजह से टॉस भी नाइ हो पवलस। अइसे में अंपायर लोग मैच के रद्द करे के फैसला लिहलें। स्थानीय मौसम विभाग के मुताबिक, अगिले चार-पांच घंटा ले बारिश रुकले के कौनो संभावना नाइ बा।
हालांकि, कट ऑफ टाइम से पहिलही ई फैसला लिहल गइल बा। कट ऑफ टाइम भारतीय समयानुसार दू बज के 16 मिनट रहल। उहवें सुबह साढ़े 11 बजे टॉस होखे के रहल, जौन कि नाइ हो सकल। मैच शुरू दूपहर 12 बजे होखे के रहल, लेकिन उहो नाइ हो सकल। दूनों कप्तान लोग हाथ मिला के मैच के रद्द करे के फइसला पs सहमति जतवलें।
अब भारत अउर न्यूजीलैंड के टीम 20 नवंबर के सीरीज के दूसरे टी20 में आमने-सामने आई। ई मैच माउंट माउंगानूई में खेलल जाई। उहवें, तीसरा टी20 नेपियर में 22 नवंबर के खेलल जाई। एकरे बाद 25 नवंबर से वनडे सीरीज के शुरुआत होई। पहिला वनडे 25 के ऑकलैंड, दूसरा वनडे 27 नवंबर के हैमिल्टन अउर तीसरा वनडे 30 नवंबर के क्राइस्टचर्च में खेलल जाई।
Comments are closed.