ED Action: चर्च ऑफ नॉर्थ इंडिया के 14 ठिकानन पs ईडी के छापेमारी जारी, वित्तीय गड़बड़ी के बा ममिला

प्रवर्तन निदेशालय (ईडी) भोपाल में दर्ज एगो ममिला के सिलिसिला में चर्च ऑफ नॉर्थ इंडिया (सीएनआई) के नागपुर कार्यालय समेत पूरा भारत में 14 स्थानन पs छापेमारी कर रहल बा।

ईडी के अधिकारी लोग कहल कि ई छापेमारी सीएनआई के जबलपुर डायोसिस के बिशप पीसी सिंह के खिलाफ दर्ज धोखाधड़ी के ममिला से संबंधित बा। एगो अधिकारी बतवलें कि शहर के सदर इलाका में इस्थित प्रोटेस्टेंट संप्रदाय के सीएनआई के कार्यालय के तलाशी लिहल जा रहल बा।

सितंबर 2022 में सिंह के उनका खिलाफ एगो अपराध दर्ज होखला के बाद पूछताछ खातिर महाराष्ट्र के नागपुर हवाई अड्डा पs हिरासत में लिहल गइल रहे। मध्य प्रदेश पुलिस ओह समय जबलपुर में बिशप के निवास से लगभग 1.6 करोड़ रुपिया के भारतीय आ बिदेसी मुद्रा बरामद कइले रहे। सिंह ओह समय जर्मनी में रहस।

बिशप सिंह के खिलाफ ममिला जुलाई 2022 में दर्ज कइल गइल रहे, एमे आरोप लगावल गइल रहे कि ऊ एगो शैक्षिक सोसायटी चलावे में वित्तीय कदाचार में लिप्त रहस, जवना के ऊ अध्यक्ष रहे।

ईडी के अधिकारी लोग कहल कि एगो जांच से पता चलल बा कि 2004-05 आ 2011-12 के बीच सोसाइटी के अलग-अलग संस्थानन के ओर से छात्रन के फीस के रूप में जमा कइल गइल 2.7 करोड़ रुपिया कथित तौर पs धार्मिक संस्थानन में स्थानांतरित कइल गइल रहे।

ओकर दुरुपयोग कइल गइल रहे आ बिशप व्यक्तिगत जरूरतन खातिर ओकरा के खर्च कइले रहस। ऊ बतवलें कि धन के एगो हिस्सा सीएनआई के नागपुर कार्यालयो में स्थानांतरित कइल गइल रहे।

4810710cookie-checkED Action: चर्च ऑफ नॉर्थ इंडिया के 14 ठिकानन पs ईडी के छापेमारी जारी, वित्तीय गड़बड़ी के बा ममिलाno