असम के गुवाहाटी के 62 किलोमीटर उत्तरपूर्व में आजु दूपहर 12 बजकर 27 मिनट पs भूकंप के झटका महसूस कइल गइल। रिक्टर पैमाना पs तीव्रता 3.5 रहल। भूकंप के गहराई धरती से 10 किलोमीटर नीचे रहल। राष्ट्रीय भूकंप विज्ञान केंद्र एह घटना के जानकारी दीहलस।
भूकंप के तीव्रता का ह?
रिक्टर स्केल पर 2.0 से कम तीव्रता वाले भूकंप के माइक्रो कैटेगरी में रखल जाला अउर ई भूकंप महसूस नाइ कइल जाला। रिक्टर स्केल पर माइक्रो कैटेगरी के 8,000 भूकंप दुनियाभर में रोजाना दर्ज कइल जाला। एही तरह 2.0 से 2.9 तीव्रता वाले भूकंप के माइनर कैटेगरी में रखल जाला।
अइसे 1,000 भूकंप प्रतिदिन आवsला। एहू के सामान्य तौर पर हम महसूस नाइ करेने। वेरी लाइट कैटेगरी के भूकंप 3.0 से 3.9 तीव्रता वाला होला, जौन एक साल में 49,000 बेर दर्ज कइल जाला। इनके महसूस त कइल जाला लेकिन शायद ही इनसे कौनो नुकसान पहुंचsला।
लाइट कैटेगरी के भूकंप 4.0 से 4.9 तीव्रता वाला होला जवन पूरा दुनिया में एक साल में करीब 6,200 बेर रिक्टर स्केल पर दर्ज कइल जाला। एह झटका के महसूस कइल जाला अउर इनसे घर के सामान हिलत नजर आवsला। हालांकि इनसे न के बराबर ही नुकसान होला।
Comments are closed.