UP Anganwadi Bharti : 2500 से जादे पदन पs निकलल बहाली, 12वीं पास महिला अभ्यर्थी भर सकी लो आवेदन

लखनऊ। उत्तर प्रदेश में आंगनवाड़ी कार्यकर्ता बने के चाह रखे वाली महिला लोगन खातिर बढ़िया मवका आ गइल बा। राज्य के बागपत, मेरठ, आगरा, वाराणसी सहित कइयन गो जिलन में 2,827 पद पs आंगनवाड़ी वर्कर के बहाली निकलल बा। इच्छुक महिला अभ्यर्थी जिला के तय तारीख के हिसाब से ऑनलाइन आवेदन कs सकत बा लो।

आवेदन upanganwadibharti.in वेबसाइट पs ऑनलाइन भरल जा सकेला। एह भरती में खाली महिला उम्मीदवार आवेदन कs सकेला लो, पुरुष अभ्यर्थी पात्र नइखे लो।

कवना जिला में कतना पद खाली बा?

कुल रिक्त पद: 2,827

के आवेदन कर सकेला?

• आवेदन करे वाली महिला उम्मीदवार होखे के चाही।
• अभ्यर्थी ओही जिला के निवासी होखे के चाही, जहां से आवेदन करत बाड़ी।
• मान्यता प्राप्त बोर्ड से 12वीं पास होखल जरूरी बा।
• स्नातक आ परास्नातक डिग्री वाली महिला आवेदन कs सकेले।
• न्यूनतम उमिर 18 साल आ अधिकतम 35 साल तय कइल गइल बा।
• आरक्षित वर्ग के महिला अभ्यर्थियन के सरकारी नियम के मोताबिक उमिर सीमा में छूट मिली।

एह तरीका से करीं ऑनलाइन आवेदन

1. संबंधित जिला भा उत्तर प्रदेश सरकार के आधिकारिक आंगनवाड़ी भर्ती पोर्टल पर जाईं।
2. अगर पहिला बेर आवेदन करत बानी, तs New Registration पs क्लिक कs के नाम, जन्मतिथि, मोबाइल नंबर आ ईमेल दर्ज करीं।
3. रजिस्ट्रेशन के बाद मिलल यूजर आईडी आ पासवर्ड से लॉगिन करीं।
4. आवेदन फॉर्म में आपन व्यक्तिगत जानकारी, शैक्षणिक योग्यता आ संपर्क विवरण सही-सही भर दीं।
5. जरूरी दस्तावेज जइसे पहचान पत्र, 12वीं के प्रमाण पत्र, जाति प्रमाण पत्र (अगर लागू होखे) अपलोड करीं।
6. अगर आवेदन शुल्क लागू होखे, तs ओकर भुगतान ऑनलाइन माध्यम से करीं।
7. आखिर में आवेदन फॉर्म जमा कs के ओकर प्रिंटआउट अपना लगे सुरक्षित रख लीं।

Read Also: UP Electricity News : यूपी के 47 लाख बिजली उपभोक्तन के लागल बड़ झटका, बिना बतवले बढ़ा दिहल गइल लोड