सेंट्रल डेस्क। अमेरिका के राष्ट्रपति डोनाल्ड ट्रंप मंगर के अप्रत्याशित रूप से व्हाइट हाउस के वेस्ट विंग के छत पऽ चहलकदमी करत दिखाई दिहलें। उ करीब 20 मिनट तक छत आ नीचे के मैदान के जायजा लिहलें।
चहलकदमी के दौरान नीचे जमीन पऽ खड़ा पत्रकार सवाल कइलें, ‘सर, रउआ छत पऽ काहे बानी?’ ट्रंप जवाब देलेंऽ, तनी सैर करत हई, ई सेहत खातिर अच्छा बा।
ट्रंप के संबे कई गो लोग चलत रहे, जेमे 200 मिलियन डॉलर के बालरूम प्रोजेक्ट के आर्किटेक्ट जेम्स मैकक्रेरी सामिल रहलें। एह दौरान ट्रंप बेर-बेर छत आ मैदान के ओर इशारा करत रहलें। कइयन बेर उ पत्रकारन के निकटतम कोना के ओर बढ़त ओह लोगन के सवाल के जवाब देत रहस।
न्यूक्लियर मिसाइल बनावे जात बानी: ट्रंप
एह दौरान उ कहलें कि उ एह देस खातिर आपन पइसा खर्च करे खातिर एगाे आउर तरीका देखत बानी। बाद में जब ट्रंप से पूछल गइल कि उ का बनावे जात बाड़ें, उ मजाक में कहलें, ‘न्यूक्लियर मिसाइल्स।’
छत पऽ इ अनपेक्षित सैर तब भइल जब ट्रंप पीपल्स हाउस के रूप में जानल जाये वाला स्थान पऽ एगो स्थायी छाप छोड़े के कोसिस करत रहस। उ ओवल ऑफिस के सुनहरा सजावट, चेरब्स, राष्ट्रपति के तस्वीर आ आउर वस्तुअन के संगे बहुत हद तक फेर से सजावल जाई आ उत्तर आ दक्षिण लान पऽ विशाल ध्वजपोल स्थापित कइल जाई, ताकि अमेरिकी ध्वज फहरावल जा सके।
पिछिला हफ्ता ट्रंप प्रशासन घोषणा कइले रहे कि एगो विशाल बालरूम के निर्माण सितंबर में सुरू होई आ ई ट्रंप के कार्यकाल के समाप्त होखे से पहिले 2029 के सुरुआत में तइयार हो जाई।
ट्रंप प्रशासन एलन मस्क के पांच बातन वालस ईमेल के कइलस रद्द
ट्रम्प प्रशासन मंगर के अरबपति पूर्व ट्रंप के सलाहकार एलन मस्क के ओर से सुरू कइल गइल एगो कार्यक्रम के औपचारिक रूप से समाप्त कs देलस, जेवना के तहत संघीय कर्मचारियन के पिछला सप्ताह के अपना पांच कार्यस्थल उपलब्धि के सारांश प्रस्तुत कइल जरूरी रहे।
कार्मिक प्रबंधन कार्यालय, संघीय मानव संसाधन एजेंसी एगो ज्ञापन के माध्यम से पांच बातन वाला ईमेल के समाप्ति के घोषणा कइलस। संघीय मानव संसाधन एजेंसी, संघीय कार्यबल में कटौती कइला के मस्क के प्रयास के क्रियान्वित कइले रहे।
