जब गैस के समस्या हो जाला तs लोग पूरा तरह से चिंतित हो जाला। एकरा चलते पाचन तंत्र प्रभावित हो जाला अवुरी कबो-कबो इs कपार अवुरी शरीर के अवुरी अंग ले पहुंच जाला। एहसे समस्या अउरी बढ़ जाला। अयीसना में कुछ खाद्य पदार्थ खाए से पहिले सोचे के चाही। जइसे दही के बा। बहुत कम लोग के मालूम बा कि एसिडिटी के स्थिति में दही खाए के चाही कि ना। चुकी दही में विटामिन सी अवुरी साइट्रिक एसिड भरपूर मात्रा में होखेला एहसे एसिडिटी में भी फायदेमंद हो सकता। काहे आ कइसे, विस्तार से जानीं-
का दही गैस खातिर बढ़िया बा?
दही में प्रोबायोटिक होखेला, जवन कि निमन बैक्टीरिया होखेला अवुरी पेट में गैस अवुरी पेट फूले के कम करेला। एकरा अलावे एकरा में पोटेशियम होखेला जवन कि शरीर से सोडियम के खतम करे में मदद करेला। एकरा अलावे दही में पावल जाए वाला फायदेमंद सूक्ष्मजीव गैस्ट्रोइंटेस्टाइनल के पाचन में सुधार करेले अवुरी सूजन के कम करेले। एह तरह से गैस में दही के सेवन फायदेमंद होला।
एसिड रिफ्लक्स में दही फायदेमंद होला
दही जवन जादा खट्टा ना होखेला, उs एसिड रिफ्लक्स खातीर भी निमन होखेला। काहे कि एकरा में प्रोबायोटिक होखेला जवन कि आंत के कामकाज में सुधार करे में मदद करेला। दही प्रोटीन भी देवेला अवुरी पेट के बेचैनी के शांत करेला। इs पेट के लेयर के ठंडा करेला अवुरी एसिड रिफ्लक्स के समस्या के कम करे में मदद करेला।
एही तरे दही के करीं सेवन
गैस के समस्या के स्थिति में दही के संगे काला नमक मिला के खा सकतानी। एकरा अलावे एकरा संगे तनी अजवाइन मिला के भी खा सकतानी जवन कि ए समस्या में कारगर बा। तs एs सभ कारण से गैस अवुरी एसिडिटी के स्थिति में दही खाए के चाही।
Comments are closed.