उत्तर प्रदेश के देवबंद में दिनदहाड़े बदमाश लोग बड़ वारदात के अंजाम दिहलें। इहाँ कोतवाली क्षेत्र में भायला-कुरडी मार्ग पर तीन बदमाश दू छात्रन के गोली मार के घायल कs दिहलें। घटना से क्षेत्र में अफरा-तफरी मच गइल। सूचना पs पुलिस मौका पर पहुंच के घटना के जानकारी लिहलें अउर घायल छात्रन के अस्पताल में भर्ती करवलें। उहवें बदमाशन के तलाश कइल गइल लेकिन उनकर कौनो सुराग नाइ मिलल।
जानकारी के अनुसार भायला निवासी अउर भायला इंटर कॉलेज के छात्र सिद्धार्थ (17) पुत्र प्रमोद अउर विनय (18) पुत्र राकेश सनीचर के दूपहर कुरडी मार्ग पर जात रहनें। तब्बे बाइक सवार तीन युवक लोग सामने से आ के उनका पर फायरिंग कs दिहलें। हमला में गोली लगले से दूनों छात्र घायल हो गइलें। सूचना पs पहुंचल पुलिस दूनों के अस्पताल में भर्ती करावल गइल बा। पुलिस हमलावरन के तलाश में लागल बा।
सीओ रामकरण बतवलें कि सिद्धार्थ के पैर में अउर विनय के पेट में गोली लागल बा। देवबंद से प्राथमिक उपचार के बाद दूनों जनी के हायर सेंटर रेफर कइल गइल बा। दूनों छात्र पैदल आवत रहनें। जबकि हमलावर बाइक पर सवार रहनें, जेकरे चेहरा पs नकाब लागल रहे। पुलिस हमलावरन के तलाश में लागल बीया।