मेक इन इंडिया पहल के तहत भारतीय वायुसेना (IAF) एगो मध्यम परिवहन विमान (MTA) प्राप्त करे के प्रक्रिया सुरू कइले बा। देस में जल्दिये एकर मेन्युफेक्चरर कइल जाई। आईएएफ 3 जनवरी के कहलस कि परिवहन विमान के अलग-अलग भूमिकन खातिर इस्तेमाल कइल जाये वाला एमटीए के कार्गो ले जाये के क्षमता 18 से 30 टन के बीच होई।
मेक इन इंडिया
मेक इन इंडिया के माध्यम से देस अपना रक्षा क्षेत्र में व्यापक बदलाव के सुरुआत कइले बा। एह समय मिसाइल, फील्ड गन, टैंक, विमान वाहक, ड्रोन, लड़ाकू विमान, टैंक आ हेलीकॉप्टर जइसन अलग-अलग रक्षा प्लेटफार्मन के घरेलू निर्माण खातिर कइयन गो परियोजना चल रहल बा। एह परियोजनन के माध्यम से भारतीय सशस्त्र बलन के रक्षा आधुनिकीकरण के जरूरतन के पूरा कइल जा रहल बा।
