यूक्रेन संकट- का रउआ पता बा भारत के केतना लोग बा यूक्रेन में फंसल?
242 छात्रन के लेले दिल्ली लवटल विमान, कीव से दिल्ली ला चली तीन गो आउर फ्लाइट....
![Google Ads 300*250 for posts](https://khabarbhojpuri.com/wp-content/uploads/2024/08/IMG-20240830-WA0009.jpg)
यूक्रेन पs रसिया कावर से हमला के गहिरात आशंका के बीचे भारत यूक्रेन आ ओकरा अगरी कगरी के जगहन पs रह रहल भारत के लोगन के निकाले के अभियान सुरू कs देले बा। आज भोरे एयर इंडिया के खास जहाज यूक्रेन भेज दिहल गइल रहे। भारत एह खास निकासी अभियान ला 200 से बेसी सीट आला ड्रीमलाइनर हवाई जहाज के तैनात कइले बा। ई फ्लाइट मंगर के रात 11:30 बजे 242 भारतीय छात्रन के लेके यूक्रेन के खार्किव से दिल्ली हवाई अड्डा पहुँच चुकल बा। जानकारी के मोताबिक, एह विमान का 10:15 में पहुंचे के रहे बाकिर उड़ान में देरी होखला के वजे से हवाई जहाज देर से पहुंचल।
#WATCH | Air India special flight carrying around 242 passengers from Ukraine reaches Delhi pic.twitter.com/ctuW0sA7UY
— ANI (@ANI) February 22, 2022
एकरे बीचे, यूक्रेन में जारी उच्च स्तर पs तनाव के देखत भारत अलगा से उड़ान चलावे के फसिला लेले बा। यूक्रेन में भारतीय दूतावास के मोताबिक, कीव से दिल्ली ला अलगा से उड़ान 25 फरवरी, 27 फरवरी (2 गो उड़ान) आ 6 मार्च, 2022 के संचालित होई। 20000 से बेसी भारत के छात्र आ ओहिजा रह रहल लोगन के वापसी ला भारत के सरकार तत्पर लउकत बिया।
साभार- अमर उजाला
![Google Ads 300*250 for posts](https://khabarbhojpuri.com/wp-content/uploads/2024/08/IMG-20240830-WA0009.jpg)
Comments are closed.