Weather Yoga Poses : गरमी के मौसम बा आ मानसून आवे वाला बा। मौसम में बदलाव से बहुत बेमारी के संभावना बढ़ सकता। दूसर ओर बरसात के मौसम में शरीर बहुत बेमारी से पीड़ित हो सकता। बदलत मौसम के चलते शरीर के प्रतिरक्षा कम हो जाला। रोग प्रतिरोधक क्षमता कम होखे के चलते शरीर के आसानी से प्रभावित करेला। खांसी-सर्दी, बोखार आ संक्रमण जल्दी आ सकेला।
बदलत मौसम में अक्सर लोग बेमार पड़ जाला। एकर असर कवनो उमिर के आदमी पs देखल जा सकता, खास तौर पs बच्चा पs जादे। हालांकि पौष्टिक भोजन अवुरी स्वस्थ जीवनशैली प्रतिरक्षा के मजबूत करे में मददगार होखेला, जवन कि बेमारी से लड़े में मदद करेला।
स्वास्थ्य विशेषज्ञ के मानना बा कि बदलत मौसम से बचे खातिर नियमित रूप से योग कईल जा सकता। योग से रोग प्रतिरोधक क्षमता मजबूत होखेला अवुरी बेमारी से बचाव होखेला। बदलत मौसम आ बरखा से होखे वाला बेमारी से बचाव खातिर कुछ खास योगासन के अभ्यास कइल जा सकेला।
भुजंगासन
भुजंगासन के अभ्यास खातिर सबसे पहिले जमीन पs लेट के दुनो हथेली के फर्श पs कंधा के चौड़ाई के दूरी पs राखे के चाही। अब शरीर के निचला हिस्सा के जमीन पs राख के सांस लेवे के चाही। छाती के फर्श से उठावत घरी छत के ओर देखल जाव। एकरा बाद साँस छोड़त घरी शरीर के फेर से फर्श पs आराम करीं।
त्रिकोणासन
चटाई पs सीधा खड़ा होके दुनो गोड़ के बीच कुछ दूरी बनाईं। अब बांह के कंधा तक पसारत घरी धीरे-धीरे साँस लीं आ दाहिना हाथ माथा से ऊपर ले लीं। एकरा दौरान साँस छोड़त घरी शरीर के बाईं ओर झुकाईं। ध्यान रहे कि घुटना ना झुके के चाही। बायां हाथ के बाईं गोड़ के समानांतर राखीं। कुछ समय तक एह मुद्रा में रहीं, बाद में सामान्य स्थिति में आ जाईं।
मार्जरी आसन
एह मुद्रा के कैट-काऊ पोज कहल जाला। एकरा खातिर दुनो घुटना अवुरी दुनो हाथ के फर्श पs राख के बिल्ली निहन मुद्रा में बईठे के चाही। अब जांघ के ऊपर के ओर सीधा करके गोड़ के घुटना पs 90 डिग्री के कोण बनाईं। लमहर साँस लेत माथा के पीछे झुका के पूंछ के हड्डी के ऊपर उठाईं। अब साँस छोड़त घरी माथा नीचे झुकाईं। ठोड़ी के छाती तक छूवे के कोशिश करीं। एह प्रक्रिया के दोहराईं।
अस्वीकरण : योगगुरु के सुझाव के आधार पs ई लेख तइयार कइल गइल बा। मुद्रा के सही स्थिति के बारे में जाने खातिर आप कवनो विशेषज्ञ से संपर्क क सकतानी।
Comments are closed.