डिजिटल युग में लोग के स्क्रीन टाइम बढ़ गईल बा। लइका से लेके बुजुर्ग तक सभे घंटन परदा के टकटकी लगा के देखत रहेला, चाहे ऊ फोन होखे, लैपटॉप होखे भा टीवी. लगातार स्क्रीन के टकटकी लगा के देखत समय बितावे से आंख में तनाव, सूखापन अवुरी खराब दृष्टि भी हो सकता। एs समस्या से बचे अवुरी तेज आंख के रोशनी बनावे खातीर आंख के आराम दिहल जरूरी बा, बाकिर का आप जानतानी कि एकरा में भी योग मदद कs सकता?
कुछ योग अवुरी आंख के साधारण व्यायाम से आंख के मांसपेशी मजबूत हो सकता। योग से फोकस में सुधार हो सकता अवुरी आंख के आसपास खून के संचार के भी बढ़ावा मिल सकता। इहाँ कुछ प्रभावी योग आसन दिहल गईल बा जवन कि आंख के तनाव के कम करे अवुरी दृष्टि में सुधार करे में मदद कs सकता।
पलक झपकावल
पलक झपकावल एगो साधारण लेकिन शक्तिशाली व्यायाम हs जवन कि आंख के नम राखेला अवुरी तनाव कम करेला। खास तौर पs ओ लोग खातीर इs अभ्यास निमन बा, जवन कि लंबा समय तक स्क्रीन पs काम करेले। एकर अभ्यास करे खातिर आराम से बईठ के हर 3-4 सेकंड में आंख झपकाई। एक मिनट खातिर अइसने जारी राखीं. एकरा बाद आंख बंद कs के 30 सेकंड तक आराम करीं।
आँख घुमावल
एकरा के चक्र क्रिया कहल जाला। आँख के घुमावे के इs व्यायाम आंख के गति नियंत्रण अवुरी लचीलापन में सुधार करे में मदद करेला, जवना से तनाव कम हो सकता। एकर अभ्यास करे खातिर सीधा बइठ के ऊपर देखल जाव, फेर धीरे-धीरे आँख के घड़ी के दिशा में घुमाईं। कुछ घुमावे के बाद घड़ी के दिशा के विपरीत दिशा में घुमाईं। लगभग एक मिनट तक अयीसन करीं।
भ्रामरी प्राणायाम
साँस लेवे के इs व्यायाम तंत्रिका तंत्र के शांत करेला अवुरी आंख पs तनाव कम करेला। एकर अभ्यास करे खातिर आरामदायक स्थिति में बईठे के चाही। आँख बंद कs के एगो लम्बा साँस लीं। साँस छोड़त घरी मधुमक्खी नियर गुनगुनाहट के आवाज निकालीं। एकरा के 5-7 बेर दोहराईं।
अस्वीकरण: ई लेख योग विशेषज्ञन के सुझाव के आधार पर तइयार कइल गइल बा। आसन के सही स्थिति के बारे में जाने खातिर आप कवनो योग गुरु से संपर्क कs सकतानी।
इहो पढ़ीं: सबेरे-सबेरे: रोज करीं इs 4 गो योगासन, आंख के puffiness होई दूर
