‘भारत के संगे हमनीके संबंध में दखल न देवे अमेरिका’, सीमा विवाद मुद्दा पर चीन दिहलस चेतावनी

चीन अउर अमेरिका के बीच एक बेर फिर से तनातनी शुरू हो गइल बा। दूनों देश एक दूसरे के खिलाफ लगातार बयानबाजी कs रहल बानें। ताजा मामला बा भारत के साथ संबंध के जेके लेकर चीन अमेरिका के चेतावनी दिहले बा अउर कहले बानें कि अमेरिकी अधिकारी भारत के साथ उसके संबंध में दखलअंदाजी न दे।

पेंटागन कांग्रेस के भेजल अपने रिपोर्ट में एह बात के चर्चा भी कइले बानें। अमेरिकी रक्षा विभाग के मुख्यालय पेंटागन के रिपोर्ट में चीन के बयान के प्रमुखता से जगह दिहल गइल बा। एह रिपोर्ट में कहल गइल बा कि चीनी सेना भारत के अमेरिका के नजदीक गइले से रोकल चाहतिया अउर एकरे खातिर ऊ सीमा (LAC) पर तनाव कम करे के हर संभव कोशिश कर रहल बा लेकिन एही बीच अमेरिका के दखलअंदाजी ओके नीक नइखे लागत।

अमेरिका लगवलस आरोप त भड़क गइल चीन

दरअसल, पेंटागन की रिपोर्ट में अमेरिका चीन पर आरोप लगावत कहलस कि 2021 के दौरान, चीनी सेना( पीएलए) सीमा पर अवैध रूप से बल के तैनाती के बनवले रखलस अउर एलएसी के साथ बुनियादी ढांचा के निर्माण जारी रखलस। वार्ता में न्यूनतम प्रगति भइल काहेसेकि दूनों पक्ष सीमा पर कथित लाभ खोअने के विरोध करsला। मई 2020 के शुरुआत में, चीनी अउर भारतीय सेना के एलएसी के साथ कई स्थान पर कंटील तारन में लिपटे चट्टान, डंडा अउर क्लब के साथ झड़प के सामना करे के पड़ल रहे।

परिणामी गतिरोध सीमा के दूनों ओर बल के निर्माण के गति दिहलस। प्रत्येक देश दूसरे के सेना के वापस लेवे अउर पूर्व-गतिरोध के स्थिति में लौटने के मांग कइलस, लेकिन न त चीन अउर न ही भारत ओ शर्तों पर सहमत भइल। अमेरिका के आरोप के बाद चीन भड़क गइल अउर पीआरसी (पीपुल्स रिपब्लिक ऑफ चाइना) अधिकारी सब अमेरिकी अधिकारियन के चेतावनी दीहले बानें कि ऊ भारत के साथ उसके संबंध में हस्तक्षेप न करें।

3953000cookie-check‘भारत के संगे हमनीके संबंध में दखल न देवे अमेरिका’, सीमा विवाद मुद्दा पर चीन दिहलस चेतावनीno