कुल आदमी के आपन प्रतिभा साबित करे खातिर एगो सुनहरा मंच के जरूरत बा। कबो आसानी से मिल जाला, तs कबो एकरा खातिर मेहनत करे के पड़ेला, तबो अगर हासिल ना क पावेला त लोग अंधविश्वास आ जादू टोना के सहारा लेला। हिन्दी सिनेमा में भी अइसन लोग के कमी नइखे, जे एह सब बात पs विश्वास करेला। त आईं ओह लोग के बारे में बतावल जाव।
शिल्पा शेट्टी
एह सूची में शिल्पा शेट्टी के नाम सबसे पहिले लिहल गइल बा। शिल्पा के मानना बा कि जबसे उनुकर महतारी उनुका के ऊ खास पन्ना के अंगूठी गिफ्ट कइले बाड़ी तबसे उनुका अपना करियर में कबो पीछे मुड़ के ना देखे के पड़ल।
अमिताभ बच्चन
बॉलीवुड के सम्राट अमिताभ बच्चन के कैरियर में एगो अइसन समय आइल जब उनकर फिल्मी कैरियर ठीक से ना चलत रहे। साथे-साथे उ दिवालिया हो गईल रहले, जेकरा बाद उ नीलम पत्थर के अंगूठी पहिनले रहले। ई अंगूठी पहिरला के बाद उनकर काम पटरी पs आवे लागल। अयीसना में उ अपना खातीर भाग्यशाली मानतारे।
काजोल
पति अजय देवगन के दिहल ई हीरा जड़ल ओम अंगूठी काजोल खातिर खास बा। एकरा बिना उ कतहीं नईखी लउकत। दरअसल काजोल के मानना बा कि इ अंगूठी उनुका के प्रोफेशनली मदद करेले, लेकिन उनुका निजी जीवन में शांति बनावे में भी मददगार होखेला। काजोल एकरा के अपना दाहिना हाथ में पहिरले बाड़ी।
विद्या बालन
विद्या बालन अक्सर काजल लगवले लउकेली । इनकर ई हाशमी काजल खास तौर पs पाकिस्तान से आइल बाड़ी। विद्या मेकअप के रूप में ई काजल ना लगावेली, अपना किस्मत खातिर लगावेली। अभिनेत्री के मानना बा कि हाशमी काजल अवुरी उनुका पहिरल बीड्स वाला ब्रेसलेट से उनुका निजी अवुरी पेशेवर दुनो जीवन में सुधार भईल बा।
रणवीर सिंह
बॉलीवुड अभिनेता रणवीर सिंह अपना खातिर एगो करिया धागा के भाग्यशाली मानेले। ई धागा ओकर माई बेमार रहला पs पहिरले रहली। तब से ऊ कबो एह धागा के अपना से अलगा ना होखे दिहलन। ई धागा उनका दाहिना गोड़ में बान्हल बा। रणवीर नंगा फोटोशूट के दौरान भी एकरा के ना हटावेने।
Comments are closed.