ECI: चुनाव आयोग हरियाणा चुनाव में कवनो तरे के अनियमितता के कांग्रेस के आरोपन के निराधार, गलत आ तथ्यहीन बताके खारिज कs दिहल गइल बा। आयोग कांग्रेस पार्टी के चुनाव दर चुनाव निराधार आरोपन से दूर रहे खातिर लिखले बा। एकरा संगही चुनाव आयोग बीतल एक साल के पांच अइसन विशिष्ट ममिलन के हवाला देले बा। आयोग एह ममिलन के जिकिर करत कहलें कि देस के सबसे पुरान पार्टी के बिना कवनो सबूत के चुनावी कार्यन पs आदतन हमलन से बचे के चाहीं।
चुनाव आयोग कांग्रेस पार्टी के लिखल गइल पत्र में ‘सामान्य’ संदेह के दावा कs के हवा बनावे के आरोप लगवलस आ कांग्रेस से एह तरे के प्रवृत्ति पs अंकुश लगावे खातिर ठोस कदम उठावे के आग्रह कइलस। संगही आयोग कांग्रेस से आग्रह कइलस कि मतदान आ मतगणना के दिन जइसन संवेदनशील समय पs गैर-जिम्मेदाराना आरोप सार्वजनिक अशांति आ अराजकता के कारण बन सकत बा।
