Khabar Bhojpuri
भोजपुरी के एक मात्र न्यूज़ पोर्टल।

कुल्लू के मणिकर्ण में फाटल बादल, चार लोग लापता, किन्नौर में जमीन खिसकले से एनएच-5 बंद, जिला से संपर्क कटल

0 249
सीवान इन्शुरेंस 720 90

हिमाचल प्रदेश में बरखा से तबाही मच गईल बा। कुल्लू जिला के मणीकरण में बादल फटला से बहुते नुकसान भइल बा. स्थानीय छललाल पंचायत के प्रमुख चुनी लाल बतवले कि बादल फटला के चलते चोज के एगो होमस्टे, कैम्पिंग स्थल अवुरी एगो फुट ब्रिज बह गईल। ए हादसा में चार लोग भी बह गईल बाड़े। सब जनता के कार्यकर्ता के रूप में बतावल जा रहल बा। एकरा संगे-संगे किन्नौर जिला में भूस्खलन के चलते एनएच-5 बंद क दिहल बा। फिलहाल टीम राजमार्ग खोले खाती लागल बा।

जानकारी के मुताबिक बुधवार के सबेरे करीब 5 बजे मणिकर्ण अवुरी कसोल के बीच बादल फटला के घटना भईल। एकरा अलावे जिला कुल्लू अंतर्गत मणिकर्ण घाटी के पार्वती नदी के सहायक नदी नाला चोज गांव में बुधवार के सबेरे अचानक पानी बढ़ गईल। एकरा चलते पार्वती नदी के किनारे स्थित एगो कैम्पिंग स्थल पूरा तरीका से तबाह हो गईल बा। कैपिंग साइट से कुछ लोग लापता होखे के खबर बा.

पहाड़ी में बादल फटला से भइल तबाही

एकरे कारण पार्वती नदी के जलस्तर भी बढ़ रहल बा आ पूरा पार्वती घाटी में अराजकता के माहौल बा। पीछे के पहाड़ी में बादल फटला के चलते तबाही भईल बा। ई कैम्पिंग स्थल पार्वती नदी के किनारे स्थित पर्यटकन खातिर बनावल गइल रहे, बह गइल बा।

जिला कुल्लू में भारी बरखा के चलते बहुत सड़क जाम हो गईल बा। खासकर मणीकरण घाटी के अधिकतर सड़क बंद हो गइल बा आ जगह-जगह भूस्खलन आ पत्थर गिरला का चलते लोग समस्या के सामना करत बा.

भूस्खलन के चलते एन-एच-5 सबेरे से बंद

दोसरा तरफ झाकरी के लगे ब्रोनी खाद के लगे भूस्खलन के चलते एनएच-5 सबेरे से बंद बा। राजमार्ग बंद होखला के चलते किन्नौर के संपर्क बंद क दिहल गईल बा। जवना के चलते लोग के समस्या के सामना करे के पड़ता।

287390cookie-checkकुल्लू के मणिकर्ण में फाटल बादल, चार लोग लापता, किन्नौर में जमीन खिसकले से एनएच-5 बंद, जिला से संपर्क कटल

ईमेल से खबर पावे खातिर सब्सक्राइब करीं।

Get real time updates directly on you device, subscribe now.

Leave A Reply

Your email address will not be published.