सूत्रन के हवाले से खबर आइल बा कि भारतीय अउर चीनी सैनिक अरुणाचल प्रदेश में वास्तविक नियंत्रण रेखा पs सप्ताहांत में भिड़ गइलें जेकरे चलते कुछ जवान घाही हो गइलें।
9 दिसंबर, 2022 के, PLA सैनिक अरुणाचल प्रदेश के तवांग सेक्टर में LAC से संपर्क कइलें, जेकर भारतीय सैनिक लोग दृढ़ता अउर मजबूती तरीका से मुकाबला कइल। एह आमने-सामने के लड़ाई में दूनों पक्ष के कुछ सिपाहियन के मामूली चोट आइल। सूत्रन के कहनाम कि दूनों पक्ष के सैनिक तुरंते क्षेत्र से हट गइलें।
एह घटना के बाद, सूत्रन के कहनाम बा कि क्षेत्र में भारत के कमांडर “शांति अउर शांति बहाल करे” खातिर बनावल गइल तंत्र के अनुसार एह मुद्दा पर चर्चा करे खातिर अपने समकक्ष के लोगन के संगे फ्लैग मीटिंग कइलें।
ई 2020 में लद्दाख में गलवान घाटी में भइल घातक झड़प के बाद अपने तरह के पहिला घटना ह। 5 मई, 2020 के, चीनी अउर भारतीय सैनिक लद्दाख अउर तिब्बत स्वायत्त क्षेत्र में विवादित पैंगोंग झील के लग्गे अउर सिक्किम के बीच के सीमा सहित चीन-भारतीय सीमा के साथ जगही पर आक्रामक हाथापाई, आमना-सामना अउर झड़प कइले रहनें। संगही वास्तविक नियंत्रण रेखा के संगे पूर्वी लद्दाख में कई स्थान पर दुसरो झड़प भइल रहे। एह झड़प में लगभग 25 भारतीय सैनिक अउर 45 से बेसी चीनी सैनिकन के मौत हो गइल रहे।
