करीब 400 हिन्दू के अस्थि लेके पाकिस्तान से एगो समूह भारत आईल बा। ई लोग हरिद्वार के गंगा नदी में एह अस्थि के विसर्जित कइल चाहत बा. उनुकर इच्छा भी बा कि महाकुंभ के समय प्रयागराज जाके पवित्र स्नान करस। ई तीसरा बेर बा जब बंटवारा के बाद पाकिस्तान से हिन्दू के अस्थि भारत ले आवल गइल बा. अस्थि के पहिले 2011 अवुरी 2016 में भी ले आवल गईल रहे। इs समूह सोमार के अटारी बॉर्डर पs पहुंचल। एह राख के 4 से 21 फरवरी ले दिल्ली के निगम बोध घाट पs राखल जाई. विसर्जन 22 फरवरी के हरिद्वार के कनखल के सीता घाट पs होई। एकरा संगे 100 किलो दूध के आहुति भी दिहल जाई।
22 फरवरी के कनखल के सीता घाट पs विसर्जन
दिल्ली के श्री देवोथान सेवा समिति के महासचिव विजय शर्मा समेत बाकी लोग अस्थि बटोरे खातिर अटारी बॉर्डर पs पहुंचल रहले। उs बतवले कि 4 से 21 फरवरी ले अस्थि के दिल्ली के सबसे पुरान अवुरी सबसे बड़ दाह संस्कार स्थल निगम बोध घाट पs राखल जाई। लोग इहाँ आके श्रद्धांजलि दे सकेले। 21 फरवरी के वैदिक संस्कार के संगे राख के हरिद्वार ले जाइल जाई। विसर्जन 22 फरवरी के अस्थि के सीमा घाट पs होई। एकरा संगे 100 किलो दूध के आहुति दिहल जाई। ई एगो पारंपरिक हिन्दू संस्कार हs। विजय शर्मा भारत सरकार से निहोरा कईले कि हरिद्वार में अपना प्रियजन के अंतिम संस्कार करे के इच्छुक हिन्दू के वीजा जारी करस। उs कहले कि उs लोग सभ मंच के माध्यम से आपन मांग उठईहे। एहसे पाकिस्तानी हिन्दू के धार्मिक भावना के सम्मान होखे के सुनिश्चित हो जाई.
इहो पढ़ीं: Basti: एक किलोवाट के कनेक्शन पs आइल 7.32 करोड़ रुपिया के बिजली बिल, उपभोक्ता के उड़ गइल होश
