हाथरस वाला बाबा के ही नाहीं एs शख्स के भी तलाश करत बा यूपी पुलिस, पड़ोसी बोलले- झूठे में फंसावल जा रहल बा

 

हाथरस भगदड़ केस के मुख्य आरोपी देवप्रकाश मधुकर एs भयावह घटना के बाद से घरे नईखन लवटल अवुरी उनुका परिवार के लोग के ठिकाना के बारे में भी पता नईखे। भगदड़ के घटना में 121 लोग के मउत हो गईल।

पड़ोसी लोग के कहनाम बा कि मधुकर जूनियर इंजीनियर के काम करत रहले अवुरी नारायण साकार हरि अवुरी भोले बाबा के नाम से जानल जाए वाला सूरजपाल के कट्टर अनुयायी भी रहले।

बियफ़ें के दुपहरिया में न्यू कॉलोनी में उनुका दु मंजिला मकान के मुख्य दरवाजा पs ताला लागल मिलल। इs दलित बहुल इलाका हs अवुरी भगदड़ के जगह फुलराई गांव से एs इलाका में पहुंचे में मुश्किल से पांच मिनट के समय लागेला।

मधुकर के गलती से भगदड़ मच गईल

सिकंदरा राऊ स्टेशन के सामने स्थित न्यू कॉलोनी के निवासी एह बात पs बंटल बाड़े कि का असल में भगदड़ मधुकर के गलती के चलते भईल बा। 2 जुलाई के भोले बाबा के ‘सत्संग’ के ‘मुख्य सेवक’ मधुकर के नाम पुलिस के ओर से दर्ज प्राथमिकी में एकमात्र आरोपी बाड़े।

मोहल्ला में रहे वाला कानून के छात्र अखिलेश के लागता कि मधुकर के मुख्य आरोपी के रूप में एs मामला में झूठा फंसावल जाता, जबकि बाबा के सजा ना मिलल बा। अखिलेश कहले कि का उs (मधुकर) सभके घरे ‘सत्संग’ खातिर बोलावे गईल रहले? बाबा के चलते लोग आईल रहले बाकिर उs जगह से भाग गईले।

हालांकि सभे मधुकर के समर्थक ना हवे। उनुका मोहल्ला में रहे वाली एगो महिला कहली कि, जब आप सरकारी अधिकारी चाहे पुलिस के आयोजन स्थल के भीतर ना जाए देब अवुरी आपके स्वयंसेवक के लागे कि उs कुछूओ कs सकतारे तs आपके अवुरी का उम्मीद बा।’

एही तरे एगो अवुरी महिला कहली कि ‘काहे ना सरकारी अधिकारी चाहे पुलिस के आयोजन स्थल में घुसे देनी। एकर मतलब ई नइखे कि रउरा कुछ छिपावत बानी?’

एही बीच पुलिस मधुकर के गिरफ्तारी पs एक लाख रुपया के इनाम देवे के घोषणा कईलस अवुरी कहलस कि मधुकर के खिलाफ गैर जमानती वारंट लेवे के कोशिश भी करतिया। पुलिस बुध के आयोजन समिति के 6 सदस्य के गिरफ्तार कs लेलस।