चीन के जोरदार झटका! भारत लगवलस लैपटॉप आ कंप्यूटर के आयात पs बैन, जानि पूरा मामिला

 

लैपटॉप आ कंप्यूटर के आयात के लेके भारत सरकार के ओर से एगो बड़ फैसला लिहल गईल बा। गुरुवार के सरकार के ओर से नोटिस जारी कईल गईल। ए हिसाब से भारत में एसएन 8741 श्रेणी में आवे वाला लैपटॉप, टैबलेट अवुरी पर्सनल कंप्यूटर के आयात पs तुरंत प्रभाव से रोक लगा दिहल गईल बा।

एचएसएन 8741 श्रेणी का ह?

अल्ट्रा छोट फॉर्म फैक्टर कंप्यूटर आ सर्वर एह श्रेणी में आवे लें। अब ले एह उत्पाद के मंगावल आसान रहे। हालांकि आयातित उत्पाद पs टैक्स दिहल अनिवार्य रहे।

काहे ई फैसला लिहल गइल

दरअसल सैमसंग, डेल, एसर अवुरी एप्पल जईसन कंपनी चीन जईसन देश से भारत के लैपटॉप, टैबलेट अवुरी सर्वर के आपूर्ति करेले। हालांकि भारत सरकार देश में भी लैपटॉप, कंप्यूटर अवुरी सर्वर के निर्माण के बढ़ावा देवे के कोशिश करतिया, जवना के चलते सरकार लैपटॉप, टैबलेट अवुरी सर्वर के आयात पs रोक लगा देले बिया।

सरकार एगो शर्त लगा दिहलस

केंद्र सरकार के वाणिज्य मंत्रालय के मुताबिक, लैपटॉप, टैबलेट अवुरी सर्वर के विदेश से कुछ शर्त के संगे आयात कईल जा सकता, जवना के मुताबिक लैपटॉप अवुरी कंप्यूटर के आयात के अनुमति तबे दिहल जाई जब एकर इस्तेमाल कवनो खास काम खातीर कईल जाई। साथ ही  एह समानन के बिक्री ना होई। एकरा अलावे वाणिज्य मंत्रालय के ओर से एगो अवुरी शर्त लगावल गईल बा, जवना के मुताबिक आयातित लैपटॉप अवुरी कंप्यूटर के इस्तेमाल के बाद नष्ट क दिहल जाई। आ ओकरा बाद एकरा के फेर से निर्यात कइल जाई। एह प्रतिबंधित लैपटॉप आ कंप्यूटर के मंगावे खातिर वैध लाइसेंस लेबे के पड़ी।