संभल में भइल बवाल के बाद कई गो रोक लगा दिहल गइल बा. संभल में एक दिसंबर ले बाहरी लोग के प्रवेश पs रोक लगा दिहल गईल बा। आदेश के मुताबिक जिला में बाहरी लोग, सामाजिक संगठन अवुरी जनप्रतिनिधि के प्रवेश पs रोक लगा दिहल बा। बेहद संवेदनशील स्थिति के देखत प्रशासन इs कदम उठवले बा। जानकारी के मुताबिक हिरासत में लिहल लोग के घर से हिंसा अवुरी पत्थरबाजी के बाद हथियार बरामद भईल बा। एनएसए के तहत बदमाश के खिलाफ कार्रवाई होई.
पथराव के घटना में चार युवक के मउत हो चुकल बा अवुरी 20 पुलिसकर्मी घाही हो गईल बाड़े। जिला में इंटरनेट सेवा बंद कs दिहल गइल बा आ सगरी स्कूलो बंद कs दिहल गइल बा. दू गो मेहरारू समेत 21 लोग के हिरासत में लिहल गइल बा. सीसीटीवी के माध्यम से आरोपी के पहचान कईल जाता।
बता दीं कि सर्वे टीम संभल के शाही जामा मस्जिद पहुंचते दंगाई योजना के मुताबिक पथराव, आगजनी अवुरी गोलीबारी शुरू कs देले। हिंसा तब शुरू भईल जब अचानक संभल के सड़क से गुजरत पुलिस टीम पs पथराव होखे लागल। सोशल मीडिया पs वायरल होखे वाला तस्वीर आ वीडियो में देखल जा सकेला कि कइसे दंगाई गली में फंसल पुलिसकर्मी के निशाना बना के पत्थर चलवले.
