जैव विविधता के बचावे खातिर संयुक्त राष्ट्र सीओपी-15 शिखर सम्मेलन में भारत समेत 200 देश संगे आइल बानें। ई देश सोमार के पेरिस शैली के ऐतिहासिक समझौता के मंजूरी दे दिहल। चार साल चलल बतकही के बाद एके स्वीकृति देहल गइल बा।
समझौता के सम्मेलन के आखिरी सत्र में मंजूरी दीहल गइल। ई दुनिया में भूमि अउर जल संरक्षण अउर विकासशील देशन के जैव विविधता से बचावे खातिर धन मुहैया करावले के दिशा में अहम कदम मानल जा रहल बा। समझौता में साल 2030 ले सब स्रोत से वित्तीय संसाधन के स्तर के बढ़ावे अउर हर साल 200 अरब डालर जुटवले के वादा जतावल गइल बा।
