आषाढ़ के महीना सूखा गुजर गइले के बाद उम्मीद के फुहार ले के आइल सावन भी वाराणसी समेत आसपास के जिला में झूम के नाइ बरस सकल बा। बादलन के बेरुखी लोगन के माथे पर चिंता के लकीर खींच देहलें बा। सावन के अंतिम सोमवार पर वाराणसी में तेज धूप के साथ दिन के शुरुआत भइल बा। सूरज के तेवर तल्ख बा।। अइसन में काशी विश्वनाथ मंदिर समेत शहर के अन्य शिवालयन में उमड़ल भक्तन के गर्मी अउरी उमस से परेशानी बढ़ गइल बा। सुबह नौ बजे तापमान 32 डिग्री सेल्सियस दर्ज कइल गइल।
एसे पहिले रविवार के अधिकतम तापमान 35.8 डिग्री जबकि न्यूनतम तापमान 25 डिग्री सेल्सियस रहल। ई सामान्य से करीब दू डिग्री अधिक बा। आज तापमान में बढोत्तरी हो सकsला। मौसम विभाग के अनुमान के मुताबिक, दोपहर बाद बादल छा सकत बा।
सावन के महीना में भी पूर्वांचल में निम्मन बारिश नाइ हो रहल बा। जुलाई के महीना में भी सामान्य से कम्मे बारिश भइल बा। लोग के मानल जाव त बारिश का दौर त लागत बा कि एह वक्त रुक गइल बा। आषाढ़ जहां सूखत चल गइल, उहवें सावनो अब जाए वाला बा।
धान रोपाई के अंतिम दौर चल रहल बा। पानी के अभाव में रोपाई ले नाइ हो पा रहल बा। बारिश के ई हाल बा कि आसमान में प्रतिदिन बादल लउकत बा लेकिन हल्लुक बूंदाबांदी के बाद मौसम साफ हो जात बा।
