अगर रउरा मिठ के शौकीन बानी बाकिर चीनी से परहेज करे के पड़ी त ई खबर रउरा खातिर बा। अइसन पौधा जवना के पतई कवनो चीज में डालला पे मीठ हो जाला। जवना पौधा के पत्तइ चीनी से 30 गुना मीठ होखेला। हँ, पौधा के नाम स्टीविया ह। इ एगो औषधीय पौधा ह, जवन मधुमेह अवुरी मोटापा जईसन खतरनाक बेमारी से राहत देवे में अहम भूमिका निभा रहल बा।
एही तरे एकर खेती होला
कुछ लोग स्टीविया के ‘चीनी के पौधा’ भा चीनी मुक्त भी कहेला। स्थानीय भाषा में एकरा के कई जगहा ‘मीठ तुलसी’ भी कहल जाला। चीनी के इ एगो बढ़िया प्राकृतिक विकल्प ह। ई तुलसी के पौधा जइसन बा। सीवान के भगवानपुर प्रखंड के निवासी वीरेंद्र कुमार सिंह के कहनाम बा कि साल 2011 में पहिला बेर एकर खेती नाबार्ड के ओर से परियोजना के रूप में शुरू भईल रहे। एकर पौधा राजस्थान से खरीद के खेत में लगावल जात रहे। एकर खेती आलू के खेती जइसन बा। एकरा में सबसे जादा ध्यान राखे के पड़ेला कि पानी पौधा के जड़ तक ना जाए के चाही।
उ बतवले कि इ पौधा नवंबर में लगावल जाला अवुरी मार्च से जून तक एकर पत्ता काट के छाँव में सुखावल जाला। कवनो भी खाद्य पदार्थ में सूखल पतई डालला से मीठ हो जाला। पाउडर बना के भी पतई के इस्तेमाल होला। एकरा अलावे आप अपना घर में भी एकर खेती क सकतानी। एकरा के गमला में भी लगावल जा सकेला।
100 ग्राम 100 रुपया में मिलेला
वीरेन्द्र सिंह बतावत बाड़न कि एकर खेती बहुते आसान बा। साथ ही बहुत मुनाफा भी होला। एक कट्ठा के लागत 1400 से 1600 रुपया तक बा। एकरा संगे ढाई से तीन क्विंटल के उपज मिलेला। पैकेजिंग के बाद एकरा के 100 रुपया प्रति 100 ग्राम में बेचल जाला। बिहार के बाहर के लोग भी ऑर्डर देवेले। जवना के बाद इहाँ से भेजल जाला। वीरेन्द्र सिंह के मुताबिक, स्टीविया हाई ब्लड प्रेशर, हाइपरटेंशन आ एसिडिटी में भी बहुत फायदेमंद साबित होला। चीनी मुक्त चीज बनावे में भी एकर इस्तेमाल होला। एह पौधा में कैलोरी के अभाव के चलते एकर सेवन से शरीर में चीनी के बढ़ोतरी ना होखेला। एहसे वजन नियंत्रण में रहेला।
