पानी के बोतल साफ करे के टिप्स: गरमी के मौसम में बार-बार पानी पीयल जरूरी बा। लेकिन अगर पानी गंदा बा त एकरा से आपके बेमार हो सकतानी। अगर रउआ घर, ऑफिस, स्कूल भा यात्रा के दौरान पानी के बोतल लेके चलेनी, त हर दूसरा तीसरा दिन एकरा के पूरा तरीका से डीप क्लीन कईल जरूरी बा। अगर अयीसन ना भईल त बोतल में बैक्टीरिया बढ़ जाला अवुरी आसानी से हमनी के बेमार क देवेला। कुछ लोग खातिर बोतल के भीतर से साफ कईल बहुत मुश्किल काम लागता। कुछ बोतल के आकार अयीसन होखेला, जवना में ब्रश आसानी से ना घुस पावेला, ना भीतरी कवनो चीज़ आसानी से देखाई देवेला। अइसना में कुछ हैक्स रउरा खातिर उपयोगी हो सकेला।
बोतल में पानी डाली – सबसे पहिले बोतल में गुनगुना पानी डाल के ड्रॉप डिश वॉशर लिक्विड सोप डाल दीं। अब एकरा के हिला के 2 से 4 मिनट तक अईसने छोड़ दीं।
फेरू करीं स्क्रब- अब ब्रश के मदद से बोतल के बढ़िया से रगड़ लीं। ध्यान रहे कि नीचे के संगे आसपास के दीवार के भी साफ करे के चाही। बोतल के ढक्कन के भी रगड़ लीं।
धोइ आ सुखाइ – अब बोतल के बहत पानी से बढ़िया से खंगाल ली। एकरा बाद एकरा के पेपर तौलिया के मदद से सुखा लीं। ध्यान रहे कि नमी के चलते भींजल बोतल में कीटाणु वापस आ सकता। त एकरा के सुखा के तुरंत ढक्कन बंद क लीं।
ब्लीच से करीं साफ- रउआ बोतल में तनी ब्लीच डाल के ठंडा पानी डाल दीं। अब एकर ढक्कन बंद क के बढ़िया से हिला लीं। रात भर अईसने छोड़ दीं। अब सबेरे उठला के बाद ब्रश से रगड़ के साफ क के बढ़िया से धो लीं।
सिरका से साफ करीं- रात में बोतल में आधा कप सिरका, एक चम्मच ब्लीच अवुरी ठंडा पानी मिला लीं। ओकरा बाद सबेरे हिला के बोतल ब्रश के मदद से बढ़िया से रगड़ के साफ करीं। ओकरा बाद पानी से धो के पोंछ लीं।
अस्वीकरण : एह लेख में दिहल जानकारी सामान्य मान्यता पे आधारित बा। खबर भोजपुरी एह सब के पुष्टि नइखे करत। इनका लागू करे से पहिले संबंधित विशेषज्ञ से संपर्क करीं।
