छपरा में एक बेर फेर रफ्तार के कहर देखे के मिलल बा। जहां अनियंत्रित वाहन के चपेट में आवे से एगो लईका के मौत हो गइल। जबकि दु लोगन के इस्थिति गंभीर बनल बा। घटना डोरीगंज थाना क्षेत्र के एनएच 19 पs सिंघई गांव के लगे के बा।
मृतक के पहचान डोरीगंज के काजीपुर गांव निवासी मुकेश कुमार (18) पिता पवन महतो के रूप में कइल गइल बा। मृतक अपना दोस्तन के संगे बारात में जात रहे। तबे सिंघई गांव के लगे सड़क दुर्घटना के शिकार हो गइल। फिलहाल पुलिस शव के पोस्टमाॅर्टम के छपरा सदर अस्पताल भेज देले बिया।
