गिरत मुद्रा आ लगातार बढ़त महँगाई से त्रस्त तुर्की भारत से भेजल गेहूं के खेप वापस कर दिहले बा. तुर्की कहले बा कि भारत के गेहूं में रूबेला वायरस मिलल बा, जवना के चलते उ भारत के गेहूं नईखे ले सकत। मीडिया रिपोर्ट के मुताबिक तुर्की भारत के 56 हजार टन से जादे गेहूं वापस भेज देले बा।
गेहूं के बारे में तुर्की सरकार का कहलस?
तुर्की भारतीय गेहूं में फाइटोसेनेटरी समस्या के हवाला दिहले बा। एस एंड पी ग्लोबल एह मामिला पर एगो रिपोर्ट प्रकाशित कइले बा. बतावल गइल बा कि तुर्की के इसकेंडर बंदरगाह पर कुछ दिन ले एगो जहाज में 56 हजार 877 टन गेहूं पड़ल रहे. अब ई जहाज तुर्की से गुजरात के कांधला बंदरगाह में लवटा दिहल गइल बा. रिपोर्ट के मुताबिक, तुर्की के अधिकारी ए गेहूं में फाइटोसेनेटरी (पौधा से जुड़ल बेमारी) के समस्या बतवले बाड़े, जवना के बाद जहाज 29 मई के गेहूं लेके तुर्की से भारत चल गईल।
इस्तांबुल के एगो व्यापारी एस एंड पी ग्लोबल से बतवले,
उ कहले कि, तुर्की के कृषि मंत्रालय के भारतीय गेहूं के खेप में रूबेला बेमारी के पता चलल बा, जवना के चलते एकरा के खारिज क दिहल गईल बा। अब गेहूं से भरल ‘एमवी इंस एकाडेनिज’ जहाज तुर्की के इस्केंडरन बंदरगाह से भारत खातिर निकल गइल बा. जून के मध्य तक भारत पहुंच जाई।
हालांकि एह मामिला पर अबले ना त तुर्की सरकार आ ना भारत सरकार कवनो आधिकारिक बयान दिहले बिया.
का भारत के चिंता बढ़े वाला बा?
एस एंड पी ग्लोबल के रिपोर्ट के मुताबिक तुर्की के गेहूं के खेप वापसी के बाद भारत के चिंता बढ़ सकता। काहे कि एकरा बाद दोसरो देश भारत के गेहूं से दूरी बना सकेलें. मिस्र हालही में भारत से 60 हजार टन गेहूं ले लिहले बा. कहल जात बा कि अगिला कुछ दिन में ई खेप मिस्र चहुँपे वाला बा.
हालांकि, मिस्र के भारतीय गेहूं प सवाल उठावे के संभावना बहुत कम बा, काहेंकी उ भारत के गेहूं के आपूर्तिकर्ता के रूप में मंजूरी देले बा, जवना के गुणवत्ता के पूरा जांच कईला के बाद ही मिलल बा। करीब 2 महीना पहिले मिस्र के एगो प्रतिनिधिमंडल भारत आइल रहे। इ प्रतिनिधिमंडल मध्य प्रदेश, पंजाब अवरू महाराष्ट्र के दौरा कईले रहे अवरू गेहूं के नमूना के जांच कईले रहे।
रूस-यूक्रेन के युद्ध के चलते गेहूं के संकट कईसे भईल?
तुर्की भारतीय गेहूं लवटावे के फैसला ओह घरी कइले बा जब रूस आ यूक्रेन का बीच लड़ाई का चलते पूरा दुनिया में गेहूं के कमी के संकट आवत बा. भारत दुनिया में गेहूं के दूसरा सबसे बड़ उत्पादक देश बा, लेकिन एकरा में गेहूं के निर्यात कम होखेला। रूस दुनिया के सबसे बड़ गेहूं निर्यातक देश ह। एह मामिला में यूक्रेन छववाँ नंबर पर बा. वैश्विक गेहूं बाजार में दुनिया के एक चौथाई गेहूं के आपूर्ति ए दुनो देश से होखेला। अयीसना में जब ए दुनो के बीच युद्ध शुरू भईल त दुनिया के बहुत देश में गेहूं के कमी के समस्या के सामना करे के पड़त रहे।
एह संकट के बीच में अधिकतर देश भारत पर निर्भर हो गइलें। जब भारत से गेहूं के निर्यात बढ़ल त एहिजो हालात बिगड़ल शुरू हो गइल. कमी के डर के बीच गेहूं के दाम में बड़ उछाल देखाई देलस। गेहूं के कमी से बचे खातिर भारत सरकार 13 मई के एगो बड़हन फैसला लिहलसि आ ओकर दाम पर काबू राखे खातिर आ गेहूं के निर्यात पर रोक लगा दिहलसि.
Comments are closed.