फिल्म ‘आदिपुरुष’ के खिलाफ दायर भइल याचिका, भगवान राम अउर हनुमान के गलत चित्रण के लागल आरोप

दिल्ली में याचिका दायर होखले से पहिले उत्तर प्रदेश में सैफ अली खान, कृति सेनन अभिनीत फिल्म ‘आदिपुरुष’ के खिलाफ शिकायत दर्ज भइल रहे। लखनऊ में एगो वकील फिल्म के अभिनेता अउर निर्माता के खिलाफ कार्रवाई के मांग करत अदालत के दरवाजा खटखटवलें।

प्राप्त जानकारी के मुताबिक लखनऊ के एगो वकील प्रमोद पांडे बियफ़े के मुख्य न्यायिक मजिस्ट्रेट (सीजेएम) के लग्गे सैफ अली खान, प्रभास राघव, कृति सेनन, निर्माता-निर्देशक ओम राउत अउर भूषण कुमार के एक पक्ष बनावत उनके खिलाफ शिकायत दर्ज करवलें। उनकर कहनाम रहल कि हिंदू देवता, विशेष रूप से हनुमान अउर राम के चरित्र के गलत तरीका से चित्रित करे खातिर सितारन अउर फिल्म निर्माता के खिलाफ सीआरपीसी के धारा 153 (3) के तहत आपराधिक मामला दर्ज कइल जाए।