सबेरे-सबेरे: जाड़ा में घुटना के दरद कइले बा बुरा हाल? तs रूटीन में शामिल कs ली इs जबरदस्त योगासन

जोड़ में दर्द के समस्या अक्सर जाड़ा में बढ़ जाला। अगर रउआ भी घुटना के दर्द से परेशान बानी तs योग के आजमावे के चाही। कुछ योगासन के मदद से आप अपना हड्डी के स्वास्थ्य अवुरी मांसपेशी के स्वास्थ्य में बहुत हद ले सुधार कs सकतानी। जाड़ा में रउरा रोज एह योगासन के अभ्यास करे के चाहीं. विश्वास करीं, महज कुछ हफ्ता के भीतर आपके सकारात्मक प्रभाव अपने आप देखाई देवे लागी। आईं कुछ अइसने शक्तिशाली योगासन के बारे में जानल जाव।

त्रिकोणासन

त्रिकोनासन आपके हड्डी अवुरी मांसपेशी के बहुत हद ले मजबूत कs सकता। एह योग आसन के अभ्यास करे खातिर सबसे पहिले सीधा खड़ा होखे के चाहीं। अब गोड़ के बीच करीब दु फीट के दूरी बना के राखी अवुरी ओकरा बाद एगो लंबा सांस लेके शरीर के दाहिना ओर झुकाई। अब बायां हाथ ऊपर के ओर ले जाए के बा अवुरी बायां हाथ के अँगुरी पs नजर टिकवले राखे के होई। एs आसन के मदद से जोड़ के दर्द के समस्या से राहत मिल सकता।

पर्श्वोत्तनासन

अगर रउरा अपना हड्डी अवुरी मांसपेशी के स्वास्थ्य के मजबूत राखल चाहतानी तs आप पार्श्वोत्तनासन के अभ्यास भी कs सकतानी। एकरा खातिर सबसे पहिले आपन दाहिना गोड़ के आगे बढ़ाईं अवुरी 45 डिग्री के कोण बनाईं अवुरी ओकरा बाद आगे झुक के हाथ जमीन पs राखी। घुटना मोड़ले बिना कुछ देर एह मुद्रा में रहे के पड़ी.

मलासन

रउरा जानकारी खातिर हमनी के बता दीं कि मलासन जोड़ के दर्द से राहत देवे में भी मददगार साबित हो सकता। मलासन के अभ्यास करे खातिर दुनो गोड़ के बीच तनी दूरी बना के सीधा खड़ा होखे के चाही। अब हाथ जोड़ के बइठ जाईं आ फेर साँस छोड़त घरी आगे झुक जाईं. एकरा बाद जांघ के बीच दुनो कोहनी के 90 डिग्री के कोण पs ले आके साँस लेवे के चाही।