Delhi: LG नामंजूर कइलें सिसोदिया-सत्येंद्र जैन के इस्तीफा, हटावल गइल विभागन के एह लोगन के सउपल गइल जिम्मेदारी

दिल्ली के उपराज्यपाल विनय कुमार सक्सेना मनीष सिसोदिया के इस्तीफा अस्वीकार कs देले बाड़ें। उनके कारण सत्येंद्र जैन के इस्तीफा स्वीकृत नइखे हो सकल। उपराज्यपाल इस्तीफन के अस्वीकार कइला के संगही दुनो से विभागन के जिम्मेदारी ले लेले बाड़ें। उपराज्यपाल के दफ्तर से इस्तीफा अस्वीकार कइला के वजहो बतावल गइल बा।

उपराज्यपाल के दफ्तर से जवन वजह बतावल गइल बा ओमे सिसोदिया के इस्तीफा पs तारीख ना लिखल होखल कहल जा रहल बा। बतावल गइल कि मनीष सिसोदिया के इस्तीफा बिना डेट के बा आ सत्येंद्र जैन के 27 फरवरी के लिखल गइल बा। दुनुए इस्तीफा एलजी के 28 फरवरी के भेजल गइल।

कहल जा रहल बा कि सिसोदिया ई इस्तीफा जेल से तs टाइप ना कइले होइहें। तs का ऊ ई सीबीआई के पूछताछ पs जाये से पहिलही लिख देले रहस। का जैन के प्लेन आ हाथ से लिखल हस्तलिखित इस्तीफा ओकरा बाद लिहल गइल बा?

जदि सिसोदिया पहिलही इस्तीफा दे देले रहस आ जैन 27 के देलें तs इस्तीफा के घोषणा एतना देर से काहे भइल?

एह लोगन के दिहल गइल बा विभागन के जिम्मेदारी