मध्यप्रदेश के एह जिला में गोलगप्पा बेचले पर लगावल गइल रोक, हैरान क देई पूरा मामिला

अगर रउआ मध्यप्रदेश के बानीं अउर सड़क किनारे लागल ठेला में फुलकी खाने के शौकीन बानीं त रउआ खातिर काम के खबर बा। दरअसल, मध्यप्रदेश के मंडला जिला में फुलकी यानी कि गोलगप्पे खइले से 100 से ज्यादा लोग बीमार हो गइल। एकरे बाद प्रशासन एहतियात बरतत जिला में ठेला पर फुलकी के बिक्री प्रतिबंधित कs दिहले बा।

बता देईं कि मंडला जिला के चिरईडोंगरी क्षेत्र के आधा दर्जन गांव में फुलकी खइले से शनिचर के साँझ कई लोग बीमार पड़ गइल रहनें। उनके अतवार के जिला अस्पताल में उपचार खातिर भर्ती करावल गइल रहे। फूड प्वाइजनिंग के शिकार भइल लोगन के संख्या 100 से ऊपर हो गइल बा, एहमें बच्चे अउर गर्भवती महिला लोग भी शामिल रहली।