सिंघाड़ा खाइल के के पसंद नाइ होई। ठंड के मौसम में मिले वाला ई फूड बहुत फायदेमंद होला। एकरे आटा के इस्तेमाल लोग व्रत में करsला। एकर हलुवा अउर पूड़ी लोग बहुत चाव से खालें, एहके खइले पर सेहत के बड़ फायदा मिलsला, जेकरे बारे में लोग के बहुत कम लोग के ही पता बा। लोग एके स्वाद खातिर खाने, लेकिन ई स्वास्थ्य खातिर भी बहुत फायदेमंद होला। सिंघाड़ा (singhada) में पर्याप्त मात्रा में विटामिन ए, विटामिन सी, मैंगनीज, फाइबर, फोस्फोरस, आयोडीन, मैग्नीशियम आदि पावल जाला।
कच्चा सिंघाड़ा खइले के फायदा
कच्चा सिंघाड़ा पानी में उगsला एहलिए एके जल फल भी कहल जाला। एहमें मौजूद पोषक तत्व शरीर खातिर बहुत फायदेमंद होला। एकर सब्जी भी बहुत लाभकारी होला। एके खइला से फर्टिलिटी अच्छा होला साथ ही हार्मोनल बैलेंस भी अच्छा होला।
लो ब्लड प्रेशर में भी सिंघाड़ा औषधि से कम नइखे। एहमें मौजूद सोडियम ब्लड प्रेशर के मेंटेन करने में मजबूत भूमिका निभावला। इंस्टेंट एनर्जी खातिर भी सिंघाड़ा बहुत निम्मन मानल जाला। एकर सेवन दिल के बीमारी में भी फायदा पहुंचsला।
सिंघाड़ा स्किन खातिर बहुत निम्मन मानल जाsला। एकरे सेवन से स्किन के झुर्री, झाई, कील-मुहांसा भी दूर होला। एमें मौजूद पोषक तत्व चेहरा के निखरले में अहम भूमिका निभावsला।
बवासीर में जल फल बहुत फायदेमंद होला। बहुत ज्यादा तीखा खइले अउर तेल मसाला के कारण मल त्याग करे में परेशानी होला, लेकिन एके खइले से एह समस्या से निजात मिल जाला।
एकरे अलावा सिंघाड़ा खइले से गैस, कब्ज, अपच से राहत मिलsला। आप एके डाइट में जरूर शामिल करीं। एसे जल्दिए राहत मिल जाई।
Comments are closed.