एसटीएफ कइलस 25 हजार रुपया के इनामी अपराधी के गिरफ्तार

गौ तस्कर गिरोह के एगो सक्रिय सदस्य के एसटीएफ पडरौना कोतवाली क्षेत्र से गिरफ्तार कइले बा। ओपर 25 हजार रुपया के इनाम रहल। ओकरे खिलाफ जनपद के तरयासुजान, कसया अउर तुर्कपट्टी थाना में मुकदमा दर्ज रहल। एकरे अलावा गोरखपुर जनपद के भी विभिन्न थाना में में ओ पर मुकदमा भी पंजीकृत बा।

बिहार के गोपालगंज जिला के गोपालपुर थाना क्षेत्र के दुबौली नरहवा शुक्ल गांव के निवासी मिंटू अली उर्फ मिंटू शाह पs अंतरराज्यीय गौ तस्करी करे वाले गिरोह के सक्रिय सदस्य होखले के चलते जनपद के तरयासुजान, कसया अउरी तुर्कपट्टी थाने में मुकदमा दर्ज त बटले बा, गोरखपुर के शाहपुर, बेलीपार, चौरीचौरा, गुलरहिया अउरी कैंट थाना में भी मुकदमा पंजीकृत रहल। एसटीएफ के ओकर सरगर्मी से तलाश रहल। बियफ़े के रात पुलिस के सूचना मिलल कि उ पडरौना कोतवाली क्षेत्र में बा देर रात एसटीएफ फील्ड इकाई गोरखपुर के निर्देश पर इंस्पेक्टर सत्य प्रकाश सिंह के नेतृत्व में हेड कांस्टेबल अखिलेश कुमार श्रीवास्तव, अशोक कुमार सिंह, अभिलाष तिवारी, चंद्रभूषण सिंह, कांस्टेबल रणधीर सिंह अउर पडरौना के कोतवाल आरपी सिंह अउरी स्वॉट टीम प्रभारी अमित शर्मा घेराबंदी कs के पडरौना कोतवाली क्षेत्र के रामकोला रोड स्थित छपरा बड़की नहर पुल से देर रात गिरफ्तार कs लिहलें।

ऊ काफी दिन से गौ तस्करी में संलिप्त बा। ऊ 15 जून 2022 के हेड कांस्टेबल धर्मवीर यादव के पिकअप से रौंद के हत्या कइले के भी आरोपी रहल। तरयासुजान थाना में दर्ज गोवध निवारण अधिनियम अउरी पशु क्रूरता अधिनियम के मामला में ओहपर 25 हजार रुपया के इनाम घोषित रहल। एकर कार्रवाई पुष्टि कोतवाल आरपी सिंह कइले।