गोरखपुर जिला के तारामंडल क्षेत्र स्थित जैमिनी गार्डेनिया के लग्गे अउर बौद्ध संग्रहालय के चहारदीवारी से सटल पुलिया के लग्गे सड़क धंस गइल बा। एसे बाइक सवार गिर के घाही हो रहल बा। जान आफत में पड़ल रहे। एके ले के आसपास के लोग में नाराजगी बा
उनकर कहनाम बा कि तारामंडल क्षेत्र से निकलल नाला जोड़े खातिर सड़क तूड़ के पुलिया बनवावल गइल। लेकिन दुरा सड़क बनवावे खातिर गुणवत्ता के ख्याल नाइ रखल गइल। एह पर कार्यदायी संस्था अउर ठेकेदार के जिम्मेदारी तय कइल जाए के चाहीं।
जहां सड़क धंसल बा, उहां रात में अन्हार रहsला। लिहाजा, उहां से गुजरे वाले वाहन में जबरदस्त झटका लागsला। सहारा इस्टेट के बहार क्लस्टर में रहे वाले सत्य प्रकाश के पत्नी संतोषी सोमार के एही स्थान पर बाइक से गिर के गंभीर रूप से घायल हो गइल। उ करवाचौथ व्रत खातिर खरीदारी करे गइल रहलें। पति के संगे बाइक पर पीछे बैठ के आवत रहली। लेकिन, नौकायन केंद्र से जैमिनी गार्डेनिया के ओर बढ़तही हादसा के शिकार हो गइली।
