बता देईं कि बमरौली निवासी प्रदीप पांडे के डेंगू पीड़ित होखले के बाद झलवा के ग्लोबल हॉस्पिटल एंड ट्रामा सेंटर में 14 अक्तूबर के भर्ती करावल गइल रहल। जहां 16 अक्तूबर के प्लेटलेट्स 17 हजार पहुंचले पर मरीज के तीन यूनिट प्लेटलेट्स चढ़ावल गइल। उहवें प्लेटलेट्स चढ़ावत वक्त मरीज के हालत बिगड़ गइल। जेकरे बाद अस्पताल मरीज के अपने इहां से रेफर कर दिहल गइल। उहवें 19 अक्तूबर के मरीज के मौत हो गइल।
एकरे बाद मृतक प्रदीप पांडे के साले सौरभ त्रिपाठी ग्लोबल हॉस्पिटल एंड ट्रामा सेंटर पर आरोप लगवलें कि प्लेटलेट्स के जगह मरीज के मुसम्बी के जूस चढ़ा दिहल गइल। जेसे मरीज के नस फाट गइल अउर उनकर मौत हो गइल। जब एह घटना के वीडियो सोशल मीडिया पर वायरल भइल त डिप्टी सीएम अस्पताल के सील करे के आदेश जारी करत मामले में जांच के आदेश दे दिहलें।
उहवें धूमनगंज थाना में अस्पताल प्रशासन के खिलाफ एफआईआर भी दर्ज क लिहल गइल। उहवें अब योगी सरकार एह पूरा मामला में सख्त रूख अपनावत माफिया के तर्ज अस्पताल प्रशासन के एह इमारत के भी ढाहे के मन बना लिहले बानें।
