निर्देशक प्रकाश झा लाल सिंह चड्ढा के बतवलें बकवास, बोलले- केहू नाइ मिलल जे कहले होखे- वाह, का फिल्म रहल हवे
एमएक्स प्लेयर के वेब सीरीज ‘आश्रम’ के निर्देशक प्रकाश झा आमिर खान के ‘लाल सिंह चढा’ के बकवास बतवले बाड़ें। फिल्म के फ्लॉप होखे के बात करत निर्देशक कहले कि कलाकार के सिर्फ पईसा, कॉरपोरेट अउरी बेसी फीस देके फिल्म नईखे बनावल जा सकत। एतने ना, प्रकाश झा इहो जवाब देहले कि बहिष्कार के ट्रेंड के चलते आमिर के फिल्म के बॉक्स ऑफिस कलेक्शन प असर पड़ल बा कि ना? ‘लाल सिंह चढा’ के फ्लॉप होखला के चलते आमिर खान ना खाली सदमा में बाड़न, बलुक पूरा फिल्म इंडस्ट्री परेशान बा। विशेषज्ञन के मानल बा कि बायकॉट के संस्कृति के चलते एह फिलिम के कमाई में डेंट हो गइल बा। बाकिर प्रकाश झा के अइसन नइखे लागत।
प्रकाश झा के कहनाम बा कि अगर कवनो फिलिम के कंटेंट बढ़िया बा त ऊ जरूर आपन छाप छोड़ी। आपन आवे वाली फिलिम “मट्टो के सैकिल” के प्रचार करत प्रकाश झा कहलें कि ई फिल्म इंडस्ट्री खातिर एगो जागरण बा, उनुका ई समझे के चाहीं कि ऊ बकवास फिलिम बनावत बाड़न। खाली कॉरपोरेट आ कलाकारन के भारी भरकम फीस दे के फिलिम ना बनावल जा सके त जरुरत बा एगो बढ़िया कहानी लिखे के, जवन दर्शकन के समझे आ साथही मनोरंजन करे।
Comments are closed.