लोकसभा चुनाव खातिर पश्चिम बंगाल के आसनसोल से भाजपा के टिकट पs चुनाव लड़े से इनकार कइला के बाद सोमार केvपवन सिंह दिल्ली पहुंचलें। इहां ऊ भाजपा अध्यक्ष जेपी नड्डा से मुलाकात कइलें। एह बैठक के बाद पवन सिंह मीडिया से कहलें कि जवन कुछो होई, ऊ अच्छा होई।
पवन सिंह अपना बातचीत के ब्योरा देले बिना कहलें कि भाजपा अध्यक्ष से हमार बात भइल बा, आगे जवन होई अच्छा होई। जब उनका से पूछल गइल कि का रउआ आगे चुनाव लड़ेम तs ऊ कहलें कि आगे जवन कुछ होई, अच्छा होई। अब समय बताई। जवन होई, हम रउआ लोगन से साझा जरूर करेम। अभी तनिका इंतजार करीं।