मल्लिकार्जुन खरगे के अध्यक्ष बनले पर मायावती बोलली- कांग्रेस बाउर बेरा में दलित के बलि के बकरा बनावेले

बसपा सुप्रीमो मायावती वरिष्ठ नेता मल्लिकार्जुन खरगे के पार्टी के राष्ट्रीय अध्यक्ष बनवला पर कहली कि कांग्रेस अपने बाउर समय में ही दलितन के आगे करेले अउर उनके बलि के बकरा बनावेली। ई उनकर छलावा ह।

ऊ ट्वीट कs के कहली कि कांग्रेस के इतिहास गवाह ह, कि इनके दलितन अउर उपेक्षितन के मसीहा परमपूज्य बाबा साहेब डॉ. भीमराव अंबेडकर अउर इनके समाज के हमेशा उपेक्षा अउर तिरस्कार कइलस। एह पार्टी के अपने अच्छे दिन में दलितन के सुरक्षा अउर सम्मान के याद नाइ आवsला, बलुक बाउर दिन में इनके बलि के बकरा बनावेले।

ऊ कहली कि कांग्रेस पार्टी के अपने अच्छे दिन के लमहर समय में अधिकांशतः गैर-दलितन अउर वर्तमान के तरह सत्ता से बाहर बाउर दिन में दलितन के आगे रखले के याद आवsला। का ई छलावा अउर छद्म राजनीति नाइ ह? लोग पूछsला कि का इहे ह कांग्रेस के दलितन के प्रति वास्तविक प्रेम?