नेशनल डेस्क : नीति आयोग के 10वीं गवर्निंग काउंसिल के बैठक के बाद नीति आयोग के सीईओ बीवीआर सुब्रह्मण्यम देस के अर्थबेव्सथा पs टिप्पणी कइले बाडें। नीति आयोग के सीईओ कहलें कि हमनी के दुनिया में चउथा सबसे बड़ अर्थबेव्सथा बानी सs। हमनी के 4 ट्रिलियन डॉलर के अर्थबेव्सथा हई सs आ ई हमार डेटा ना हs। ई आईएमएफ के डेटा हs। भारत आज जापान से बड़ बा। खाली संयुक्त राज्य अमेरिका, चीन आ जर्मनी हमनी से बड़ बा। जदि हमनी के जवन सोचल जा रहल बानी सs, ओकरा पs टिकल रहत बानी सs, तs अगिला 2.5 से 3 बरिसन के बात बा, हमनी के तीसरका सबसे बड़ अर्थबेव्सथा बन जाएम सs।
भारत अइसन मोड़ पs जहां से बहुत तेजी से कs सकत बा विकास
सुब्रह्मण्यम कहलें, “भारत एगो अइसन चरण में बा, जहां ई बहुत तेजी से विकास कs सकत बा, जइसे कि अतीत में कइयन गो देस कइले बा। भारत के अगिला 20 से 25 बरिसन खातिर जनसांख्यिकीय लाभांश के वरदान मिलल बा, जवना से हमनी के तेजी से विकास कs सकत बानी। प्रधानमंत्री सब राज्यन से अपना स्तर पs विजन दस्तावेज तइयार करे के आह्वान कइले बाड़ें। एमे भारत के विकास के खाका पहिलही से दिख रहल बा। नीति आयोग के प्रमुख प्रधानमंत्री नरेंद्र मोदी के जिकिर करत कहलें कि पीएम राज्यन से विकसित भारत के आह्वान एहिसे कइले बाड़ें, काहेकि ई एगो लमहर यात्रा बा।
जितेंद्र सिंह बोललें- पीएम मोदी के धन्यवाद
केंद्रीय मंत्री जितेंद्र सिंह कहलें कि भारत जापान से आगे निकलके दुनिया के चउथा सबसे बड़ अर्थबेवस्था बन गइल बा। ऊ कहलें कि विकसित भारत एगो तेज डेग बढ़वले बा, एगो बड़ छलांग लगवले बा! एकरा के संभव बनावे खातिर प्रधानमंत्री नरेंद्र मोदी के धन्यवाद।
Read Also: AC रिमोट के हर बटन बा बड़ काम के, 99% लोग ना करेला सही इस्तेमाल! जान लीं सुपर कूलिंग के राज
