निफ्टी 22,623 के ऑल टाइम हाई बनवलें : सेंसेक्स में 400 अंक के तेजी, CEO के इस्तीफा के बाद 6% से जादे गिरल बंधन बैंक के शेयर

हफ्ता के पहिला कारोबारी दिन माने आज आठ अप्रिल के शेयर बाजार में तेजी देखे के मिल रहल बा। निफ्टी 22,623 के ऑल टाइम हाई बनवले रहे। ई सबेरे 9:40 पs करीब 100 अंक के तेजी के संगे 22,620 के स्तर पs कारोबार करत रहे।

ओहिजा, सेंसेक्स में 400 अंक के तेजी देखे के मिल रहल बा, ई 74,640 के स्तर पs कारोबार कs रहल बा। सेंसेक्स के 30 शेयरन में से 27 में तेजी आ तीन में गिरावट देखे के मिल रहल बा।

एकरा अलावे बंधन बैंक के शेयर में 6% से जादे के गिरावट देखे के मिल रहल बा। दरअसल, कंपनी के शेयर पs ई दबाव CEO चंद्र शेखर घोष के इस्तीफा के बाद आइल बा।

निफ्टी कंज्यूमर ड्यूरेबल्स में सबसे जादे 2.06% के तेजी

NSE के सेक्टोरल इंडेक्स के बात करीं तs निफ्टी कंज्यूमर ड्यूरेबल्स में सबसे जादे 2.06% के तेजी देखे के मिल रहल बा। एकरा अलावे निफ्टी रियल्टी में 1.26%, निफ्टी ऑटो में 0.36%, निफ्टी फाइनेंशियल सर्विसेज में 0.23 आ FMCG में 0.25% के तेजी देखे के मिल रहल बा। जबकि, निफ्टी PSU बैंक में 0.18% के गिरावट देखे के मिल रहल बा।

5 अप्रिल के शेयर बाजार में मामूली बढ़त रहे

हफ्ता के आखिरी कारोबारी दिन माने सुक (5 अप्रिल) के शेयर बाजार में मामूली बढ़त देखे के मिलल रहे। सेंसेक्स 20 अंक के बढ़त के संगे 74,248 के स्तर पs बंद भइल रहे। ओहिजा निफ्टी में कवनो बढ़त भा गिरावट ना रहे, ई फ्लैट 22,513 के स्तर पs बंद भइल रहे। सेंसेक्स के 30 शेयरन में से 17 में गिरावट आ 13 में तेजी देखे के मिलल रहे।

7846300cookie-checkनिफ्टी 22,623 के ऑल टाइम हाई बनवलें : सेंसेक्स में 400 अंक के तेजी, CEO के इस्तीफा के बाद 6% से जादे गिरल बंधन बैंक के शेयरno