कौनो वजहों से अभीन ले नगर निकाय के वोटर नाइ बन सकल बानीं त मंगर से एक अउर मौका मिली। एक से चार नवंबर तक घर बइठल ऑनलाइन वोटर बनल जा सकी त उहवें एक से सात नवंबर तक ऑफ लाइन यानी वोटर फार्म भरने के बाद बीएलओ चाहे निर्वाचन कार्यालय में ओके जमा कs के भी वोटर बन सकतनी।
पिछले महीना अक्तूबर में भइल डोर-टू-डोर मतदाता सूची पुनरीक्षण अभियान के दौरान नगरीय निकाय के मतदाता सूची में कुल 66 हजार 490 नाम बढ़ल बा त वहीं 15 हजार 757 वोटर के नाम कटल बा। एमें ज्यादातर मृतक के नाम शामिल बा। कुल मतदाता लोग के संख्या अब 12 लाख 65 हजार 898 हो गइल बा। एहमें नगर निगम के वोटर के संख्या नौ लाख 62 हजार 67 ह। अभियान के दौरान निगम में सर्वाधिक 25 हजार 917 नए वोटर बढ़ल बा, जबकि चार हजार 493 वोटर के नाम काटल गइल।
नगर पंचायत के बात कइल त पीपीगंज में सर्वाधिक आठ हजार 47 वोटर बढ़ल बानें जबकि सबसे कम बड़हलगंज में एक्को मतदाता नाइ बढ़ सकलें। दिसंबर में संभावित नगर निकाय चुनाव के देखत आयोग वोटर बनले खातिर एक और मौका दिहल गइल बा।
हालांकि सात दिन खातिर मिलल एह मौका में डोर-टू-डोर अभियान नाइ चलल। अपने-अपने बूथ पर बीएलओ से संपर्क कर आवेदनपत्र प्राप्त कइल जा सकsता। सहायक निर्वाचन अधिकारी जगनारायण मौर्य बतवले कि एक से चार नवंबर के बीच वोटर बनले खातिर निर्वाचन आयोग के वेबसाइट sec.up.nic.in पर ऑनलाइन आवेदन कइल जा सकsता। 18 नवंबर के मतदाता सूची के अंतिम प्रकाशन कइल जाई।
1,146 बूथ पर होई वोटिंग
नगर निकाय चुनाव खातिर कुल एक हजार 146 बूथ बनावल गइल बा। एमें नगर निगम में सर्वाधिक 802 बूथ बा। एही तरह सहजनवां में 35, बांसगांव में 20, मुंडेरा बाजार में 30, पीपीगंज में 45, पिपराइच में 37, गोला बाजार में 35, बड़हलगंज में 43, कस्बा संग्रामपुर में 19, चौमुखा में 23, उरुवा बाजार में 25 तथा घघसरा बाजार में 32 बूथ बनावल गइल बा
| निकाय | पूर्व में वोटर के संख्या | जुड़ल | कटल | कुल वोटर |
| नगर निगम | 9,40,643 | 25,917 | 4,493 | 9,62,067 |
| सहजनवां | 27,632 | 4,856 | 735 | 31,753 |
| बांसगांव | 14,229 | 2,739 | 548 | 16,420 |
| मुंडेरा बाजार | 22,319 | 3,111 | 1,029 | 24,401 |
| पीपीगंज | 34,675 | 8,047 | 2,204 | 40,518 |
| पिपराइच | 28,292 | 5,358 | 2,058 | 31,592 |
| गोला बाजार | 32,110 | 4,879 | 2,117 | 34,872 |
| बड़हलगंज | 42,680 | 0 | 0 | 42,680 |
| कस्बा संग्रामपुर | 15,993 | 2,887 | 319 | 18,561 |
| चौमुखा | 15,492 | 5,218 | 1,177 | 19,533 |
| उरुवा बाजार | 20,339 | 1,493 | 278 | 21,554 |
| घघसरा बाजार | 20,761 | 1,985 | 799 | 21,947 |
| कुल | 12,15,165 | 66,490 | 15,757 | 12,65,898 |