रक्तदान के प्रति जागरूकता अउरी जरूररमन्द मरीजन के मदद के उद्देश्य से 17 अक्टूबर के जिले में आठ जगह पर मेगा ब्लड डोनेशन कैंप लगावल जाई। रक्तदान शिविर के ई सिलसिला एक अक्टूबर ले चलत रही।
स्वास्थ्य मंत्रालय के आह्वान पs स्थानीय स्तर पs स्वास्थ्य विभाग मेगा कैंप के तैयारी शुरू कs देहले बा। सीएमओ डॉ. संदीप चौधरी बतवलें कि 17 सितम्बर के ईएसआईसी हॉस्पिटल पाण्डेयपुर, आईएमए, बीएचयू, प्राथमिक स्वास्थ्य केन्द्र बड़गांव (बसनी), प्राथमिक स्वास्थ्य केंद्र चिरईगांव, प्राथमिक स्वास्थ्य केन्द्र काशी विद्यापीठ, सामुदायिक स्वास्थ्य केंद्र चोलापुर अउरी सामुदायिक स्वास्थ्य केंद्र हाथी बाजार में मेगा ब्लड डोनेशन कैंप के आयोजन कइल जाई।
ईएसआईसी हॉस्पिटल पाण्डेयपुर में लगे वाले कैंप के जिम्मेदारी पंडित दीन दयाल उपाध्याय चिकित्सालय के ब्लड बैंक के टीम के होई। एकरे अलावा आईएमए में लागे वाले शिविर के जिम्मेदारी आईएमए, बीएचयू में लागे वाले कैंप के जिम्मेदारी बीएचयू ब्लड बैंक, प्राथमिक स्वास्थ्य केन्द्र बड़गांव के कैंप के जिम्मेदारी पापुलर हॉस्पिटल, प्राथमिक स्वास्थय केंद्र चिरईगांव के कैंप के एपेक्स हॉस्पिटल, प्राथमिक स्वास्थ्य केंद्र काशी विद्यापीठ के कैंप के जिम्मेदारी मण्डलीय अस्पताल के ब्लड बैंक के होई।
