गोरखपुर से चले वाला 12 ट्रेन कैंसिल: छपरा-गोरखपुर, नौतनवा-नकहां जंगल समेत कइयन डेली ट्रेन 19 आ 20 नवंबर के रही कैंसिल

By Anurag Ranjan On Nov 19, 2022

गोरखपुर से चले वाला आ इहां से होके गुजरे वाला 12 ट्रेन कैंसिल रही। दु दिन तक ट्रेनन के कैंसिल होखला से करीब 6000 रेल यात्रियन के सफर करे में दिक्कत होई। पूर्वोत्तर रेलवे परिचालनिक कारणन से 19 आ 20 नवंबर के 12 पैसेंजर ट्रेनन के निरस्त क देले बा।

NE रेलवे के CPRO पंकज कुमार सिंह बतवलें, छपरा-गोरखपुर, नौतनवा-नकहां जंगल आ गोरखपुर-गोंडा-सीतापुर रेल खंड प 12 पैसेंजर ट्रेन दु दिन ना संचालित कइल जाई। एह वजह से पैसेंजर ट्रेनन में यात्रा करे वाला के दु दिन दिक्कतन के सामना करे के पड़ी। कम दूरी खातिर अधिकतर लोग पैसेंजर ट्रेनन से यात्रा करेला।

डेली चले वाला वाले पैसेंजर्स के होई दिक्कत

एमे अधिकतर लोग दैनिक यात्री होला जे नौकरी आ कारोबार के वजह से यात्रा करत बानी। ट्रेन ना चलला से अइसन लोगन के वैकल्पिक साधनन से यात्रा करे के पड़ी। पैसेंजर ट्रेनन के किराया कम होला। एह वजह से लोग एमे यात्रा कइल पसंद करत बा लो।

एह ट्रेनन के ना चलला प जवन वैकल्पिक साधन करे के पड़ी आ ओह लोग के आये जाये में बेसी पइसा खर्च करे के पड़ेला। एकरा अलावे कइयन लोगन के दु दिन तक आपन यात्रा टाले के पड़ी।