95 साल के भइलें लाल कृष्ण आडवाणी, बधाई देवे घरे पहुंचलें पीएम मोदी अउर राजनाथ सिंह

भारतीय जनता पार्टी के वरिष्ठ नेता लाल कृष्ण आडवाणी के आजु जन्मदिन ह। उ 95 साल के हो गइल बानें। एह मौका पर प्रधानमंत्री नरेंद्र मोदी बधाई देवे उनके आवास पर पहुंचल बानें। एकरे अलावा रक्षा मंत्री राजनाथ सिंह भी उनके आवास पर पहुंच के उनके बधाई दिहले बानें। दूनो नेता लोग के आडवाणी से मिलले के कुछ तस्वीर अउर वीडियो भी सामने आइल बा। वीडियो में साफ देखल जा सकsता कि पीएम मोदी काफी उत्साह से लाल कृष्ण आडवाणी के बधाई देत नजर आ रहल बानें। पीएम मोदी एह दौरान उनके गुलदस्ता भी भेंट कइलें। एकरे बाद दूनों नेता लोग बैठ के आपस में बातचीत भी कइलें।