गोपालगंज के गोपालपुर थाना क्षेत्र के डेरवा नहर पुल के लगे वाहन जांच के दौरान पुलिस एगो पिकअप के रोकके जब ओकर तलाशी लेलस तs पिक अप में लदल केला के भीतर छिपाके रखल गइल भारी मात्रा में बिदेसी शराब के खेप बरामद कइल गइल। दु गो तस्करन के गिरफ्तार कइल गइल बा।
गिरफ्तार कइल गइल तस्कर के पहचान मुजफ्फरपुर जिला के सकरा थाना क्षेत्र के डोली सकरा गांव निवासी मो० समीम के बेटा मो० ईरफान आ सकरा फरीदपुर गांव निवासी संतोष कुमार के बेटा सतीश कुमार के रूप में कइल गइल।
पुलिस वाहन जांच के दौरान एगो पिकअप के रोकके जब ओकर तलाशी लेलस तs केला के अंदर छुपा के रखल गइल 1894 पीस बिदेसी शराब के टेट्रा पैक बरामद कइल गइल। बरामद शराब के बाद पुलिस दुनों तस्करन के गिरफ्तार कs के पूछताछ कर रहल बिया।
दु गो तस्कर गिरफ्तार
एसपी स्वर्ण प्रभात बतवलें कि शराब के खिलाफ हमनी के अभियान लगातार जारी बा। वाहन जांच आ गुप्त सूचना के आधार पs शराब तस्करन पs कार्रवाई कइल जा रहल बा। जवना के तहत केला के अंदर छिपाके रखल गइल आ तस्करी खातिर यूपी से गोपालगंज ले जा रहल शराब के बरामद कइल गइल। संगही दुनो तस्करन के गिरफ्तार कइल गइल। जवना पs उत्पाद अधिनियम के तहत मामला दर्ज कs के कार्रवाई कइल जा रहल बा।
साभार: दैनिक भास्कर
