दिल्ली पुलिस विश्वविद्यालय प्रशासन के शिकायत पs सबेरे 6 बजे जामिया विश्वविद्यालय के 14 गो छात्र के हिरासत में लेले बिया।
एs लोग पs आरोप बा कि उs लोग अपना विरोध के दौरान विश्वविद्यालय के कैंटीन के बंद कs देले रहले अवुरी ओकरा बहरी बईठ के लगातार विरोध करत रहले अवुरी काल्ह कैंटीन में तोड़फोड़ भी कईले रहले।
दरअसल, पीएचडी के दुगो छात्र 2019 में जामिया में पुलिस फायरिंग के सालगिरह मनावल चाहत रहले, बाकिर विश्वविद्यालय प्रशासन एकर अनुमति ना देलस, एकरा बावजूद छात्र अपना बाकी सहयोगी के संगे कार्यक्रम के आयोजन करत रहले, जवना के बाद विश्वविद्यालय के ओर से उनुका के शो काज नोटिस दिहल गईल, संतोषजनक जवाब ना मिलला के बाद विश्वविद्यालय एs छात्र के खिलाफ कार्रवाई करे के मूड में रहे जवना के ई विद्यार्थी ओहिजा हिंसक प्रदर्शन कइले.
विरोध प्रदर्शन के दौरान इs छात्र दु दिन पहिले एही विश्वविद्यालय के मेवाती छात्र ऑर्गेनाइजेशन के छात्र से भी झगड़ा कईले रहले, जवना के बाद पुलिस एs मामला में प्राथमिकी दर्ज करवले रहे।
फिलहाल विश्वविद्यालय प्रशासन आज एs 14 छात्र के विश्वविद्यालय परिसर से बाहर निकाल के पुलिस के हवाले कs देलस अवुरी पुलिस अबे एs लोग के हिरासत में लेले बिया। पुलिस विश्वविद्यालय में ना गईल।
इहो पढ़ीं:सबेरे-सबेरे: बइठले – बइठले करीं ई एक्सरसाइज Memory Sharp करे खातीर
