भारत-पाकिस्तान के बीच बढ़त तनाव के बीच रक्षा मंत्रालय एगो बड़ फैसला लेले बा। मंत्रालय नियमित सेना के सहायता खातिर अधिसूचना जारी कइले बा। एह अधिसूचना के मुताबिक अब रेगुलर आर्मी अपना सहायता खातिर टेरिटोरियल आर्मी के फोन कs सकेले। अइसना में क्रिकेट प्रशंसकन के दिमाग में एगो सवाल उठत बा कि का जंग हो गइल त का टेरिटोरियल आर्मी में लेफ्टिनेंट कर्नल रहल एमएस धोनी भी युद्ध में जइहें?
अब जसही रक्षा मंत्रालय के अधिसूचना जारी होई, सेना प्रमुख के अपना मर्जी से सहायता खाती टेरिटोरियल सेना के सैन्य कार्रवाई में शामिल करे के अधिकार होई। एकरा संगे-संगे भारतीय टीम के कप्तान रहल एमएस धोनी टेरिटोरियल आर्मी में मानद लेफ्टिनेंट कर्नल बाड़े। मतलब अगर पाकिस्तान के खिलाफ बातचीत आगे बढ़ल त एमएस धोनी के भी तैयार रहे के होई।
टेरिटोरियल आर्मी के होला
टेरिटोरियल आर्मी एगो रिजर्व सैन्य बल हवे। सीधे मोर्चा ना ले लेला, बाकीर जब युद्ध के समय आवेला तs ओकरा के युद्ध के मैदान में भी भेज दिहल जाला। टेरिटोरियल आर्मी सेना के कई तरह के सेवा देवेले। जरूरत पड़ला पs एह सेना के नियमित सेना के यूनिट भी उपलब्ध करावे के पड़ेला।
इहो पढ़ीं: पाकिस्तानी सेना भारत पs कइलस फायरिंग, LoC पs भारतीय सेना दिहलस मुंहतोड़ जवाब
